«Azoŭ» prosić pra zialony kalidor z Maryupala dla cyvilnych, miortvych i paranienych
Kamandzir pałka «Azoŭ» padpałkoŭnik Dzianis Prakapienka paprasiŭ suśvietnych lidaraŭ arhanizavać evakuacyju z Maryupala «dla cyvilnych asob, paranienych i zahinułych bajcoŭ, jakija zasłuhoŭvajuć pachavańnia z pašananaj».
«Nichto nie vieryć akupantam, tamu ja zaklikaju palitykaŭ usiaho cyvilizavanaha śvietu arhanizujcie zialony kalidor, dajcie harantyi biaśpieki, kab nieadkładna pravieści evakuacyju cyvilnych, paranienych i cieł zabitych voinaŭ, jakija pavinny być pachavany z ušanavańniami», — skazaŭ jon.
Niekalki dzion tamu rasijanie ŭ čarhovy raz prapanoŭvali ŭkrainskim abaroncam Maryupala zdacca.
Harsaviet Maryupala paviedamiŭ, što rasijskija vojski nanosiać udary pa «Azaŭstali» zvyšciažkimi avijabombami. U padziemnych chovankach mietałurhičnaha kambinata znachodziacca nie mienš za 1000 cyvilnych, pieravažna heta žančyny ź dziećmi i pažyłyja ludzi, piša «Ukrainskaja praŭda».
Maryupal z 1 sakavika znachodzicca ŭ abłozie, rasijanie stała abstrelvajuć jaho, sprabujučy ŭziać horad pad svoj poŭny kantrol.
Prezident Uładzimir Zialenski paviedamiŭ, što iduć pieramovy, kab dapamahčy ŭkrainskim abaroncam u Maryupali. Jon taksama zajaviŭ, što źniščeńnie abaroncaŭ moža pastavić kropku ŭ mirnych pieramovach z Rasijaj.
17 krasavika Hienštab Ukrainy paviedamiŭ, što vojska RF, vierahodna, rychtujecca da praviadzieńnia desantnaj marskoj apieracyi ŭ Maryupali.
-
Syrski ličyć, što rasijanie buduć nastupać na Čarnihaŭščynu z Branskaj vobłaści. A voś ź Biełarusi — naŭrad ci
-
Vialikaja hrupa ŭkrainskich dronaŭ zalacieła ŭ Rasiju praź Biełaruś
-
Syrski: U Biełarusi znoŭ fiksavali pracu adnaho z retranślataraŭ. Bolš jany ich uklučać nie buduć, uśviadomiać, što tak nie treba
Kamientary