Čaćviora prafsajuznych dziejačaŭ — u SIZA KDB, jašče 5 zatrymanyja, ź siamiu niama suviazi
Pavodle infarmacyi pravaabaroncaŭ, u SIZA KDB pa stanu na ciapierašni momant dakładna znachodziacca čaćviora pradstaŭnikoŭ niezaležnych prafsajuzaŭ. Heta Siarhiej Antusievič, Hienadź Fiadynič, Mikałaj Šarach i Alaksandr Jeŭdakimčyk.
Paćvierdziłasia taksama infarmacyja ab zatrymańni Alaksandra Buchvostava, Vitala Čyčmarova, Alaksandra Jarašuka, Iryny But-Husaim i Ihara Lednika (apošni zatrymany jašče 18 krasavika). Adnak miesca, dzie znachodziacca hetyja ludzi, pakul nie viadomaje.
Niama suviazi ź Janaj Małaš, Hannaj Duś, Vasilom Bieraśniovym, Dźmitryjem Barodkam, Michaiłam Hromavym, Vadzimam Pajvinym, Juryjem Bielakovym.
Adziny, kaho paśla dopytu adpuścili — Ihar Komlik.
Usie hetyja ludzi — lidary i aktyŭ Biełaruskaha kanhresu demakratyčnych prafsajuzaŭ, a taksama Svabodnaha prafsajuza mietalistaŭ, Svabodnaha prafsajuza biełaruskaha, Niezaležnaha prafsajuza rabotnikaŭ radyjoelektronnaj pramysłovaści, jakija ŭvachodziać u jahony skład.
Učora ŭ ofisach prafsajuzaŭ i ŭ kvaterach aktyvistaŭ prajšli pieratrusy. A ŭ sieradu 20 krasavika stała viadoma, što 14 pradstaŭnikoŭ niezaležnych prafsajuzaŭ nie vychodziać na suviaź.
Čytajcie taksama:
Začystka niezaležnych prafsajuzaŭ: prajšli pieratrusy ŭ ofisach i na kvaterach aktyvistaŭ
«Spačatku pastavili tvaram da ściany, potym dazvolili prysieści». Siarhiej Čeračań raskazaŭ, jak prachodziŭ pieratrus u ofisie prafsajuza REP
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ60
Kamientary