Try čałavieki viarnulisia z adpačynku z Kipra, a adna dziaŭčynka ‑z azdaraŭleńnia ŭ Vialikabrytanii.
Novyja vypadki zaražeńnia virusam hrypu A/H1N1 łabaratorna paćvierdžanyja ŭ Biełarusi. Pra heta paviedamiŭ 26 žniŭnia Pieršy kanał biełaruskaha telebačańnia.
Hetym razam virus vyjavili ŭ minčukoŭ (muž z žonkaj i siabar siamji), jakija ŭ subotu viarnulisia z Kipra. Kiepska pačuvacca jany stali jašče za miažoj. Adrazu pa prybyćci z aeraporta jany nakiravalisia ŭ infiekcyjnuju balnicu Minska, dzie ciapier prachodziać lačeńnie.
Pavodle daktaroŭ, pacyjenty papraŭlajucca, ich stan zdaroŭja zdavalniajučy, jany rychtujucca da vypiski.
***
Taksama paviedamlajecca, što vypadak zaražeńnia virusam A/H1N1 zafiksavany ŭ Mahilovie.
Heta dziesiacihadovaja dziaŭčynka, jakaja znachodziłasia na azdaraŭleńni ŭ Vialikabrytanii. Pa viartańni na radzimu joj stała kiepska. Miedycynskaje abśledavańnie vyjaviła ŭ jaje virus hrypu.
Ciapier jana znachodzicca ŭ adnoj z mahiloŭskich balnic. Pavodle miedykaŭ, stan jaje zdaroŭja zdavalniajučy.
***
Takim čynam u Biełarusi zafiksavana dziesiać vypadkaŭ:
aproč taho, hramadzianin Kitaja — aśpirant BDU, što na miunłym tydni vypisaŭsia z balnicy, a taksama piaciora školnikaŭ z Asipovičaŭ, što pryjechali z azdaraŭleńnia z Brytanii.
Kamientary