12 vieraśnia ŭ Minsku ŭ miežach śviata horada adbudziecca adkryćcio harnałyžnaha centra.
Jak paviedamiŭ na pres‑kanfierencyi 27 žniŭnia načalnik upraŭleńnia fizkultury, sportu i turyzmu Minharvykankama Michaił Juspa, prahrama i čas adkryćcia pakul udakładniajucca.
Centr raźmiaščajecca ŭ mikrarajonie Kurasoŭščyna (vulica Kazinca) i składajecca z hor vyšynioj 100 i 80 mietraŭ, a taksama pakataha spusku dla dziaciej i navičkoŭ. Budzie adkryty i śpiecyjalny harnałyžny atrakcyjon.
Płanujecca, što novy centr budzie pracavać kruhły hod. «Ciapier amatary harnałyžnaha sportu zmohuć zajmacca, nie vyjazdžajučy ŭ Łahojsk abo Siličy», — adznačyŭ Juspa.
U spartyŭnaj śviatočnaj prahramie jość i inšyja mierapryjemstvy. Tak, 5 vieraśnia na poli aeraporta Minsk‑1 projduć spabornictvy pa ekstremalnym vadžeńni aŭtamabilaŭ i parad retraaŭtamabilaŭ, 9 vieraśnia na stadyjonie «Dynama» — adboračny matč čempijanatu śvietu pa futbole pamiž zbornymi Biełarusi i Ukrainy, 9—11 vieraśnia ŭ Pałacy sportu — turnir pa spartyŭnaj himnastycy. 12 vieraśnia ŭ Pałacy sportu adbuducca spabornictvy pa tajskim boksie, na 27‑m kiłamietry vieładarožki ŭzdoŭž raki Śvisłač — Minski mižnarodny marafon na dystancyi 1 km, 4,2 km, 10 km, 42,195 km. U im voźmuć udzieł 250 spartsmienaŭ i prykładna 10 tys. amataraŭ biehu.
Pavodle słoŭ Juspy, čakajecca, što ŭ spartyŭnych mierapryjemstvach u miežach śviata horada voźmuć udzieł bolš za 70 tys. čałaviek.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie7
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5252
Kamientary