U tydni matčaŭ BATE ŭ Lizie Jeŭropy «Priessboł» budzie źmianiać hrafik vychadu

U tyja tydni, kali barysaŭski BATE budzie pravodzić matčy Lihi Jeŭropy, «Priessboł» budzie vychodzić u suboty zamiest numara ŭ sierady. Pra heta hałoŭny redaktar najbujniejšaha spartyŭnaha vydańnia krainy Uładzimir Bieražkoŭ paviedamiŭ u svajoj halincy na sajcie vydańnia.

Barysaŭski BATE, jak viadoma, vyjšaŭ u hrupavy turnir futbolnaj Lihi Jeŭropy, matčy jakoha pravodziacca, tradycyjna, u čaćviarhi.

Zhodna z raskładam, źmieščanym na sajcie UEFA, chatnija pajadynki BATE buduć pačynacca ŭ 20:00, haściavyja – u 22:05 pavodle minskaha času.

Ciapier skrajni čas padpisańnia «Priessboł» ŭ druk (hazieta vychodzić u aŭtorki, sierady, čaćviarhi i piatnicy, prykładna ŭ 20:45). Kali hazieta budzie zdavacca ŭ druk paźniej, jana paprostu nie trapić padpisčykam pa-za Minskaj vobłaściu i ŭ rehijanalnyja hazietnyja šapiki. Tak, naprykład, adbyvajecca z hazietaj «Sport-Ekspriess v Biełoruśsii», jaki padpisvajecca z druk u 22:00, ale padpisčykam pa-za Minskam traplaje tolki na nastupny dzień.

Kali b «Priessboł» zachavaŭ raniejšuju pieryjadyčnaść (z aŭtorka pa piatnicu), to spravazdačy pra matčy BATE ŭ Lizie Jeŭropy źjaŭlalisia b u haziecie tolki ŭ aŭtorak.

Jak, naprykład, budzie sa spravazdačaj pra matč plej-of Lihi Jeŭropy «Liteks» – BATE, jaki skončyŭsia ŭ čaćvier, 27 žniŭnia, prykładna ŭ 23:30 i ŭ piatničny numar, naturalna, nie trapiŭ.

Hałoŭny redaktar Priessboła Uładzimir Bieražkoŭ paviedamiŭ u svajoj halincy na sajcie vydańnia My nie možam vypuskać numaroŭ boljej ci mieniej, čym zajaŭlena ŭ padpisnym katałozie, inakš heta paciahnie za saboj štrafnyja sankcyi. A voś pieranieści sioje-toje na nastupny dzień, jak vyśvietliłasia, možna».

Tamu było pryniata rašeńnie «čatyry numary sierady, na tych tydniach, dzie buduć čaćviarhovyja matčy BATE ŭ Lizie Jeŭropy, pieranieści na suboty. Pieršy taki numar vyjdzie 19 vieraśnia».

Havorka taksama pra subotnija numary za 3 kastryčnika, 24 kastryčnika, a taksama 19 śniežnia.

Subotni numar 7 listapada, praź dzień paśla matču AJEK – BATE (5 listapada), nie vyjdzie z toj pryčyny, što 7 listapada – aficyjny vychodny dzień u Biełarusi. Matč 5-ha turu, 2 śniežnia, BATE - «Bienfika» projdzie ŭ sieradu, tamu i spravazdača i artykuły pra jaho trapiać u piatničny numar za 4 śniežnia.

Nahadajem, što supiernikami BATE ŭ hrupavym turniry Lihi Jeŭropy buduć lisabonskaja «Bienfika», livierpulski «Eviertan» i hrecki AJEK.

17 vieraśnia – matč z «Bienfikaj» u haściach, 1 kastryčnika z «Eviertanam» u Minsku, 22 kastryčnika z AJEKam – u Minsku. 5 listapada – u Afinach. 2 śniežnia z «Bienfikaj» doma, 17 śniežnia – z «Eviertanam» u Livierpuli.

• 0
• 0
• 0
• 0
• 0
• 0
• 0
• 0