«Infaśpiecnazaŭka» spyniła na TB sacyjalnuju rekłamu suprać hvałtu nad dziećmi, bo rolik finansavaŭ USAID
«Infaśpiecnazaŭka» Volha Bondarava źviarnułasia ŭ Biełtelekam z patrabavańniem prybrać sacyjalnuju rekłamu i adpraviła tudy kalektyŭny zvarot, bo ŭ roliku była paznačanaja amierykanskaja arhanizacyja USAID, jakaja i finansavała jaho pakaz, piša Hrodna.Life.
Bondarava napisała, što na telekanale «Jasnaje TV» «aktyŭna demanstrujecca rekłama ekstremisckaj arhanizacyi USAID, jakaja była z hańbaj vyhnanaja ź Biełarusi za ŭdzieł u sprobie dziaržaŭnaha pieravarotu».
U Biełtelekamie joj paviedamili, što sacyjalnaja rekłama, jakaja zaklikała da supraćdziejańnia hvałtu nad dziećmi, tranślavałasia na telekanale «JASNAie TV» z 2019 hoda «vyklučna z metaj papiaredžańnia i praduchileńnia vypadkaŭ hvałtu nad dziećmi».
«Uličvajučy kalektyŭny zvarot i toj fakt, što niekatoryja mižnarodnyja sacyjalnyja prajekty, zhadanyja ŭ rekłamnym roliku, zakrytyja, tranślacyja hetaj sacyjalnaj rekłamy ŭ efiry telekanała «JASNAie TV» spynienaja», — napisali Bondaravaj u adkaz na zvarot.
Niadaŭna praz danos amatarki «ruskaha śvietu» Bondaravaj u Hrodnie była zakrytaja vystava skulptury.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu52
Kamientary