«Znachodzicca na raźbitych pazicyjach nie maje sensu: raście kolkaść zahinułych», — rastłumačyŭ kiraŭnik Łuhanskaj abłasnoj vajennaj administracyi Siarhiej Hajdaj.
Horad na praciahu 4 miesiacaŭ amal štodnia abstrelvajuć, infrastruktura całkam źniščanaja, paškodžanyja abo razburanyja 90% damoŭ.
Sievieradanieck i Lisičansk — apošnija bujnyja harady pad kantrolem ukraincaŭ u Łuhanskaj vobłaści. Utrymańnie ich maje važny aśpiekt u abaronie Danbasa.
Tym časam atrady «ŁNR» uvajšli na paŭdniovuju ŭskrainu Lisičanska, paviedamiła «RIA Naviny» sa spasyłkaj na «krynicu, blizkuju da kamandavańnia narodnaj milicyi «ŁNR». Paviedamlajecca, što atrady hetaj «narodnaj milicyi» dajšli da paŭdniovaj uskrainy Lisičanska i viaduć tam bai.
Pa słovach krynicy, havorka idzie ab rajonie zavoda humatechničnych vyrabaŭ. Tam idzie boj, ukrainskija vajskoŭcy abstrelvajuć praciŭnika ź minamiotaŭ.
Kiraŭnik Łuhanskaj abłasnoj administracyi Siarhiej Hajdaj u ranišniaj spravazdačy paviedamlaje, što dyviersijna-raźviedvalnyja hrupy praciŭnika pranikali na ŭskrainy Lisičanska, ale «byli vycieśnienyja».
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary