Čały na strymie ź Cichanoŭskaj padkazaŭ biełarusam pytańnie, roŭnaje pa značnaści ŭkrainskamu «Čyj Krym?»
Siońnia Śviatłana Cichanoŭskaja była ŭ haściach na strymie ŭ Siarhieja Čałaha. Surazmoŭcy siarod inšaha ŭzdymali pytańni stasunkaŭ pamiž ukraincami i biełarusami i imklivaha ich paharšeńnia.
Čały paprasiŭ Cichanoŭskuju raspavieści historyju, jakuju jamu raspavioŭ znajomy, jak na adnoj z sustreč Zialenski «ledź nie biehaŭ» ad Śviatłany Hieorhijeŭny.
Cichanoŭskaja skazała, što razumieła Zialenskaha, što čałaviek nie choča aficyjna ź joj sustrakacca, tamu što, vidać, dla jaho byli ryzyki, «napeŭna, užo tady byli niejkija pieradumovy, što vajennyja dziejańni mohuć pačacca».
Ale joj było vielmi važna na hetym ahulnym mierapryjemstvie padyści i padziakavać.
«Ja viedała, kolki biełarusaŭ zjechała va Ukrainu i što ich pryniali z raspaściortymi abdymkami, i mnie było važna padyści i skazać: «Dziakuj za dapamohu biełarusam». Ja skazała, što mnie nie patrebna fatahrafija, prosta vialiki vam dziakuj. I ŭsio. I pajšła. Nie toje, kab jon prama biehaŭ ad mianie. Ja jaho razumieła. Ja za im nie haniałasia».
Siarhiej Čały adkazaŭ, što ciapier dumaje nad hetym «chitrym pieraklučeńniem rehistraŭ» z maralnaha — «my viadziem baraćbu suśvietnaha dabra z suśvietnym złom, usie nam pavinny dapamahać» na «reał palityk».
I jon raspavioŭ svoj łajfchak na maral i reał palityk.
Va ŭkraincaŭ jość takoje lubimaje pytańnie — łakmusavaja papierka, jakaja raspaviadaje pra surazmoŭcu ‒ čałaviek adkazvaje ŭ rečyščy reał palityk, uzvažvańnia vydatkaŭ abo jon adkazvaje pa kaštoŭnaściam.
«Ukraincy pytajucca: čyj Krym? I, viadoma, možna adkazać, što jon ukrainski, i dadać niešta nakštałt, ale my razumiejem, chto jaho kantraluje, pa fakcie jon rasijski i h. d.
U mianie jość absalutna lustranoje pytańnie dla ŭkraincaŭ: chto prezident Biełarusi?
Čamu ja dva hetyja pytańni staŭlu pobač? Tamu što jany pra adno i toje ž», — skazaŭ Čały.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?23
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2626
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama26
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary