Rabotnik trenažornaj zały skraŭ hanteli i zdaŭ na mietałałom, a ŭładalnik źbiŭ jaho
SK vystaviŭ abvinavačvańnie ŭ naŭmysnym pryčynieńni ciažkich cialesnych paškodžańniaŭ (punkty 2, 3, 6, 7 častki 2 artykuła 147 KK) 27-hadovamu ŭładalniku trenažornaj zały ŭ Minsku za źbićcio 38-hadovaha supracoŭnika, jaki skraŭ z zały hanteli. Pra heta paviedamlaje Śledčy kamitet.
Pavodle viersii śledstva, u krasaviku ŭładalnik zały zaŭvažyŭ, što źnikli dźvie hanteli. Jon vyśvietliŭ, što ich skraŭ i paśla zdaŭ u punkt pryjomu mietałałomu padsobny rabočy. Prarab, jakomu ŭładalnik zały paviedamiŭ ab kradziažy, paprasiŭ prabačeńnia ŭ jaho za padnačalenaha, vykupiŭ i viarnuŭ invientar. SK piša, što «27-hadovamu minčuku hetaha padałosia niedastatkova, i jon vyrašyŭ pahavaryć ź vinavatym u situacyi asabista».
Uładalnik zały sustreŭsia z rabočym u padziemnym pierachodzie. Toj pasprabavaŭ uciačy, ale ŭładalnik dahnaŭ jaho «i nanios nie mienš za siem udaraŭ pa roznych častkach cieła, a zatym pryvioz rabočaha ŭ tuju samuju trenažornuju zału», udakładniaje viedamstva.
«Demanstrujučy ŭsiodazvolenaść i biespakaranaść, u prysutnaści svaich znajomych, jon znoŭ źbiŭ paciarpiełaha. Prymusiŭ jaho stać na kaleni i prasić prabačeńnia za ździejśnieny kradziež. Usie supraćpraŭnyja dziejańni abvinavačany zdymaŭ na videa», — piša Śledčy kamitet.
Biznesoŭca zatrymali praź niekalki dzion. Supracoŭniki milicyi vyjavili pry im marychuanu — jaje kanfiskavali pry pieratrusie pa miescy žycharstva abvinavačanaha.
.
Ciapier čytajuć
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3131
Kamientary