Recept na vychadnyja. Ratatuj (ratatouille) na patelni — idealnaja letniaja strava
Žnivień — samy čas, kab hatavać hetuju stravu z Pravansa, bo zaraz siezon patrebnaj dla ratatuja harodniny. Dla kłasičnaha ratatuja harodninu zapiakajuć u duchoŭcy, a my prapanujem vam spraścić žyćcio i zhatavać usio na patelni — vy ŭsio roŭna atrymajecie toj samy francuzski smak.
Fota: BBC Food
Kab zhatavać ratatuj na patelni, vam spatrebicca:
- 1 siaredniaja cybulina (pačyścicie jaje i narežcie na kubiki)
- 1 čajnaja łyžka zdrabnionaha časnaku
- 3 stałovyja łyžki aliŭkavaha aleju
- 1 narezany kubikami bakłažan
- 1 narezany kubikami kabačok
- 1 narezany kubikami čyrvony pierac
- trochi piercu čyli
- 2 pamidory (treba źniać ź ich skurku, dastać nasieńnie i narezać miakać na kubiki)
- 1 stałovaja łyžka śviežaj narezanaj piatruški
- pałova čajnaj łyžki kurkumy
- śviežavycisnuty limonny sok
- sol i mołaty čorny pierac (lepiej bujnoha pamołu)
- Pasypcie bakłažany sollu i pakińcie ich na 15 chvilin. Pramyjcie i pramaknicie miakać nasucha (kab prybrać ź jaje horki sok).
- Smažcie cybulu i časnok u aliŭkavym alei na pavolnym ahni, pakul jany nie pamiakčejuć.
- Dadajcie da cybuli i časnaku bakłažany, kabačok, čyrvony pierac i parašok čyli.
- Pieramiašajcie sumieś i smažcie jaje 5—10 chvilin, pakul harodnina nie pamiakčeje, prypraŭcie sollu i čornym piercam.
- Dadajcie narezanyja pamidory i smažcie sumieś jašče 5 chvilin.
- Dadajcie piatrušku i kurkumu.
- Vyciśnicie źvierchu krychu limonnaha soku, znoŭ dadajcie sol i čorny pierac. Pieramiašajcie i padavajcie.
Recept na vychadnyja. Piersikavy kobler — tradycyjny amierykanski desiert
Vašy salonyja ahurki pustyja ŭnutry? Raskazvajem, jak hetaha nie dapuścić
Recept na vychadnyja. Italjanskija frykadelki z kabačkami — aryhinalnaja i karysnaja strava
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary