Eks-prezident Estonii Tomas-Chiendryk Ilvies adreahavaŭ u siabie ŭ tvitary na post byłoha kandydata ŭ prezidenty Biełarusi Andreja Sańnikava, u jakim toj davaŭ spasyłku na źviestki, kolki biełarusaŭ atrymała za 2021 hod dazvoł na žycharstva ŭ Jeŭropie. Pavodle Ilviesa, biełarusy da rasijan zusim nie padobnyja, i adroźnivajucca ŭ lepšy bok.
Ilvies napisaŭ:
«Ale vy nikoli nie pabačycie, kab biełarusy byli hrubymi, nievynosnymi, kab jany ŭciskali inšych, pravodzili mitynhi ŭ padtrymku dyktatara ŭ siabie doma, jenčyli pra svajo «prava» być u Jeŭropie. Jany jeŭrapiejcy».
But you never see belarusians being rude, obnoxious, harassing others, holding rallies in support of the dictator at home, whining about their “right” to be in Europe. They are Europeans. https://t.co/gPhxQSuPOw
U kamientarach frendy Ilviesa zbolšaha pahadžalisia z byłym estonskim lidaram:
«Biełarusy ściakali kryvioj u Minsku, sprabujučy zrynuć svajho dyktatara, pakul rasijanie abdymajuć svajho».
«Ja pamiataju adčuvańni, kali pačynaŭ vandravać na ŭschod. Byŭ ašałomleny kulturnaj adroznaściu Biełarusi i Rasii. Cyvilizacyjny raskoł. Tak, Biełaruś — heta Jeŭropa».
«Ja pracavaŭ i sustrakaŭsia jak z ruskimi, tak i ź biełarusami. Heta roźnica jak noč i dzień. Nie padtrymlivaŭ by dla ich vizavuju zabaronu».
«Dakładna. Biełarusy mocna adroźnivalisia ad rasijan».
«Biełarusy — heta mužnyja i cyvilizavanyja ludzi, jakija vyjšli na vulicy i ryzykavali žyćciom, kab skončyć z režymam niahodnika, jaki trymaje ich u zakładnikach. Jany pieramohuć raniej ci paźniej, i lubaja dapamoha, pra jakuju jany prosiać, pavinna być akazanaja».
Byli, adnak, i procilehłyja acenki, u asnoŭnym z boku frendaŭ-ukraincaŭ:
«Tak, pravilna, skažycie heta 13 tysiačam biełaruskich sałdat, jakija dałučylisia da rašysckaj armii. Biełaruś = Rasija».
«Tak. Ale jany taksama admaŭlajucca płacić canu za svabodu, čakajučy, kali Ukraina pieramoža dla ich. I nakolki ja razumieju, heta toje samaje, što i achviary chatniaha hvałtu, jany nie ŭ stanie ŭźniacca ŭ dadzieny momant, i ja nie mahu nie adčuvać, što jany dapuskajuć napad na Ukrainu».
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary