Pamiatajecie baranavickuju vykładčycu z antynavukovymi teoryjami pra aŭtyzm? Śpiecyjalisty prosiać pravieryć jaje lekcyi
Biełaruskija śpiecyjalisty, jakija pracujuć ź dziećmi z asablivaściami psichafizičnaha raźvićcia, a taksama siemji takich dziaciej skłali kalektyŭny zvarot. Jana prosiać dać acenku słovam piedahoha Volhi Filistovič pierad školnikami, piša «Zierkało».
Ciapier idzie zbor podpisaŭ. Zvarot adpraviać u profilnyja viedamstvy: Minadukacyi, Ministerstva achovy zdaroŭja i Instytut inkluziŭnaj adukacyi.
Vykładčyca BarDU pałochaje baranavickich školnikaŭ: aŭtyzm — heta vynik biesparadačnych pałavych znosin baćkoŭ (i dziadoŭ!)
U kalektyŭnym zvarocie adznačajecca, što paśla analizu navukovaj litaratury im nie ŭdałosia vyjavić choć dzie-niebudź zhadvańni biesparadačnych pałavych znosin u jakaści mutahiennaha faktaru — takija śćviardžeńni Filistovič źjaŭlajucca iłžyvymi.
Taksama ŭ liście zhadvajecca jašče šeść punktaŭ z pramovy Volhi Filistovič. Naprykład, što «da dvuch hadoŭ baćki bačać, što jon nikoli nie budzie razmaŭlać, što jon nie zmoža mieć znosiny jak usie inšyja dzieci z hetym śvietam».
Śpiecyjalisty, jakija skłali list, upeŭnienyja, što źmiest vystupleńnia Volhi Filistovič surjozna «parušaje pryncypy inkluzii, na jakija ŭziała kurs Biełaruś». Jany ličać niedapuščalnym praciah dadzienym piedahoham prafiesijnaj dziejnaści jak śpiecyjalista, jaki akazvaje dyjahnastyčnuju i karekcyjnuju dapamohu, jaki viadzie padrychtoŭku kadraŭ dla pracy ź dziećmi z asablivaściami psichafizičnaha raźvićcia.
Jak raspaviała błohu «Otražienije» siertyfikavany analityk pavodzin Hanna Kalinoŭskaja, zhadak Volhi Filistovič u rejestrach arhanizacyj, jakija zajmajucca siertyfikacyjaj śpiecyjalistaŭ u halinie prykładnoha analizu pavodzin, niama.
Ciapier čytajuć
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club3
Kamientary
čieho-čieho? «Otražienije»?)