Što pahražaje rasijaninu za niajaŭku ŭ vajenkamat? Kapieječny štraf
U siecivie šmat abmiarkoŭvajuć videa i materyjały, u jakich mabilizavanyja rasijanie prajaŭlajuć poŭnuju razhublenaść i abyjakavaść da taho, što ich adpraŭlajuć na vajnu ŭ jakaści «pušačnaha miasa». A što ž budzie, kali ihnaravać pozvy?
Žurnalisty telehram-kanała Baza patelefanavali na pramuju liniju Minabarony Rasii, adkrytuju paśla pačatku mabilizacyi, i spytali ab adkaznaści, jakaja pahražaje rasijanam za niajaŭku ŭ vajenkamat. Voś što im adkazali.
«Na heta momant adkaznaść za niajaŭku ŭ vajenkamat praduhledžvaje artykuł KaAP «Nievykanańnie hramadzianami abaviazkaŭ pa voinskim uliku». Pakarańnie — štraf u pamiery ad 500 da 3 tysiač rasijskich rubloŭ (da $51). Kryminalnaha pakarańnia za niajaŭku pa poźvie niama», — skazaŭ apieratar linii.
«Jakaja budučynia ŭ mianie ciapier? Zabivać ci być zabitym» — manałoh śpieckara «Novaj haziety» pra mabilizacyju, u jakim dyjahnaz, čamu ŭ Rasii ŭsio tak, jak jość
U Minabarony papiaredzili, što kryminalnaja adkaznaść pa novych papraŭkach moža nastupić, kali hramadzianin pakidaje miesca słužby, kali ŭžo mabilizavany. Heta značyć, kali jon užo atrymaŭ pravy i abaviazki vajskoŭca paśla prybyćcia ŭ vajenkamat, prajšoŭ miedahlad i mabilizacyjnuju kamisiju, a vajskovy kamisaryjat vydaŭ adpaviedny ŭkaz.
Pa artykule ab uchileńni, jaki raspaŭsiudžvajecca na tych, chto ŭžo pryzvany na słužbu, pakarańnie składaje dva hady pazbaŭleńnia voli. U toj ža čas paśla mabilizacyi za toje, kali pakinuć miesca słužby, možna atrymać ad 5 da 10 hadoŭ turmy.
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary