Krynicy: FSB naličyła bolš za 260 tysiač mužčyn, jakija pakinuli Rasiju. Siłaviki chočuć zakryć miažu, ale Pucin nie pryznačaje abmierkavańniaŭ
FSB RF ličyć, što paśla abjaŭleńnia «častkovaj» mabilizacyi z Rasii vyjechała 261 tysiača mužčyn. Pra heta «Novoj hazietie. Jevropa» paviedamiła krynica ŭ administracyi prezidenta.
Abmierkavańni ŭnutry administracyi prezidenta (AP) ab zakryćci miežaŭ dla mužčyn pryzyŭnoha ŭzrostu pačalisia ź sierady, kali ad siłavikoŭ stali pastupać ličby ab kolkaści mužčyn, jakija vyjazdžajuć z Rasii. U apošniaj daviedcy FSB, jakaja 25 vieraśnia «hulała pa kabinietach» značycca ličba ŭ 261 tysiaču mužčyn, jakija zjechali z Rasii ź sierady pa viečar suboty.
Krynica «Novoj haziety. Jeŭropa» ŭ AP sumniavajecca ŭ sapraŭdnaści źviestak FSB, bo da hetaha pamiežnaja słužba FSB «nie pracavała tak chutka».
Tym nie mienš «atmaśfiera ŭ AP takaja, što siłaviki i Minabarony zmohuć pierakanać Pucina zakryć vyjezd, pakul nie pozna», skazaŭ supracoŭnik AP. «Ciapier my [u pracy] zychodzim z hetaha», — skazaŭ jon.
Pry hetym «u kiraŭnikoŭ niama sustreč z prezidentam na druhuju pałovu vieraśnia», udakładniaje krynica. «U pačatku miesiaca [kiraŭniki] sustrakalisia [z prezidentam] niekalki razoŭ na tydzień», — rastłumačyŭ surazmoŭca «Novoj haziety. Jeŭropa», kamientujučy paviedamleńni krynic žurnalistki Farydy Rustamavaj. Napiaredadni sa spasyłkaj na try krynicy Rustamava paviedamiła, što paśla abjaŭleńnia mabilizacyi Uładzimir Pucin pajechaŭ na tydzień adpačyvać na Vałdai.
Jašče adzin surazmoŭca «Novoj haziety. Jeŭropa» ŭ AP śćviardžaje, što pakul nie bačyŭ prajekta ŭkaza kiraŭnika dziaržavy ab zakryćci miežaŭ.
Raniej rasijskija ŚMI sa spasyłkaj na krynicy paviedamlali, što ŭłady Rasii źbirajucca zakryć miežy dla mužčyn pryzyŭnoha ŭzrostu paśla zakančeńnia refierendumaŭ pa dałučeńni samaabvieščanych «Ł/DNR», Chiersonskaj i Zaparožskaj abłaściej. Pa danych «Važnych historyj», užo z 26 vieraśnia rasiejcam, jakija padlahajuć mabilizacyi, začyniać miežy.
Krynica «Mieduzy» padkreślivała, što ŭłady nie płanujuć zakryvać miažu dla rasiejskich mužčyn da kanca «refierendumaŭ» na akupavanych terytoryjach Ukrainy (jany pavinny zaviaršycca 27 vieraśnia). Adnak situacyja moža źmianicca, «kali budzie masavy adtok».
Siońnia taksama stała viadoma, što niekatorym hramadzianam, jakija traplajuć pad kryteryi «častkovaj» mabilizacyi i sprabujuć zjechać z Rasii, pačali vydavać na miežach apaviaščeńni, pavodle jakich im zabaronieny vyjezd na padstavie rašeńnia vajskovaha kamisaryjata. Paviedamlajecca ŭžo jak minimum ab piaci takich vypadkach.
Kamientary