Pra heta ministar zamiežnych spravaŭ Polščy Hanna Fatyha zajaviła ŭ interviju mižnarodnamu internet-partału «Wider Europe», jakoje abnarodavana 31 lipienia.
Pra heta ministar zamiežnych spravaŭ Polščy Hanna Fatyha zajaviła ŭ interviju mižnarodnamu internet-partału «Wider Europe», jakoje abnarodavana 31 lipienia.
Pavodle jaje, Polšča zacikaŭlenaja ŭ narmalizacyi stasunkaŭ ź Biełaruśsiu. «Našy narody abjadnoŭvaje ahulnaja historyja, blizkaść moŭ, ahulnyja tradycyi, šmatviakovyja ekanamičnyja, palityčnyja i kulturnyja suviazi», – zaznačyła ministar.
Jana, adnak, dadała, što «ŭ imia dalejšaha raźvićcia dvuchbakovych adnosinaŭ, a taksama prymajučy da ŭvahi ahulnapryniatyja eŭrapiejskija standarty, biełaruskija ŭłady pavinny spynić užyvańnie represijaŭ u dačynieńni da apazycyi i hramadzianskaj supolnaści, a taksama admovicca ad praktyki stvareńnia nehatyŭnaha vobrazu Polščy ŭ aficyjnych biełaruskich srodkach masavaj infarmacyi», – zajaviła kiraŭnik polskaha źniešniepalityčnaha viedamstva.
Pavodle spadaryni Fatyhi, surjozny niespakoj uładaŭ Polščy vyklikaje «parušeńnie ŭładami Biełarusi hramadzianskich pravoŭ, u tym liku prava na svabodu słova, na atrymańnie infarmacyi ź niezaležnych krynic, svabody dziejnaści prafsajuzaŭ, prava na viadzieńnie svabodnaj haspadarčaj dziejnaści». «Jašče adnoj važnaj prablemaj źjaŭlajecca stanovišča polskaj mienšaści ŭ Respublicy Biełaruś», – zajaviła kiraŭnik polskaha MZS.
Kamientary