Jak stała viadoma Biełaruskaj asacyjacyi žurnalistaŭ, 27 vieraśnia adbyŭsia druhi sud nad hałoŭnym redaktaram niezaležnaha internet-vydańnia «Bobrujskij kuŕjer» Anatolem Sanacienkam. Hetym razam jamu prysudzili 14 sutak administracyjnaha aryštu.
Anatol Sanacienka musiŭ učora, 27 vieraśnia, vyjści na volu, adnak jaho znoŭ aryštavali.
Hetym razam prysud — 14 sutak.
Spravu, jak i ŭ pieršy raz, razhladała sudździa suda Babrujskaha rajona i h. Babrujska Hanna Asipienka. Spadaru Anatolu nie dazvolili skarystacca pasłuhami advakata.
Taksama BAŽu stała viadoma, što ŭ zatrymanaha praviali pieratrus i zabrali ŭsiu techniku. Jość infarmacyja pra pieratrusy i dopyty i ŭ žurnalistaŭ «BK».
Pra zatrymańnie hałoŭnaha redaktara «Bobrujskoho kuŕjera» i aryšt jaho na 15 sutak stała viadoma 16 vieraśnia. Pavodle niepaćvierdžanaj infarmacyi, mierkavałasia, što zatrymali Sanacienku 15 vieraśnia. Ale, kali zychodzić z novych źviestak, što žurnalist musiŭ vyjści na volu 27-ha čysła, atrymlivajecca, što, chutčej za ŭsio, za kratami Anatol Sanacienka — z 12 vieraśnia.
Infarmacyi pra toje, za što hałoŭnaha redaktara babrujskaha vydańnia dvojčy sudzili, pa-raniejšamu niama.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2222
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?22
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3131
Kamientary