Vydaviec Andrej Januškievič adnaŭlaje svaju pracu ŭ Varšavie i šukaje partnioraŭ
Vydaviec Andrej Januškievič adnaviŭ svaju pracu ŭ Varšavie i šukaje tych, chto moža pasadziejničać hodnaj biełaruskaj spravie, piša Biełaruskaja rada kultury.
«Znachodziačysia ŭ Varšavie, sutykaješsia z novymi realijami. Pakul praca viadziecca za kampjutaram, možna abyścisia minimalnym naboram srodkaŭ. Ale paśla druku ŭsio mianiajecca. Dzie zachoŭvać ekzemplary, jak razvozić i pakavać ich dla rassyłki, taja ž pramocyja — prablemy zusim inšaha kštałtu. I tut upiraješsia ŭ materyjalnyja niemahčymaści. Kali ŭ kaho jość idei i rašeńni, dzialiciesia, kali łaska. Vielmi chočacca, kab knihi źjavilisia na śviet jak maha chutčej. Času ŭ nas niašmat».
Ciapier viadziecca praca pa vydańni nastupnych pierakładnych knih:
- Dž. K. Roŭlinh «Hary Poter i Kielich ahniu»;
- Dž. R. R. Tołkin «Vaładar Piarścionkaŭ. Bractva Piarścionka»;
- Kormak Makarci «Daroha»;
- Ščepan Tvardach «Karol»;
- Sali Runi «Razmovy ź siabrami»;
- Frensis Skot Ficdžerald «Vialiki Hetśbi»;
- Ernest Cheminhuej «I ŭzychodzić sonca»;
- Erych Maryja Remark «Čorny abielisk».
Z prapanovami ab padtrymcy źviartajciesia siudy
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary