«Zaklikaŭ stvarać zatory na darohach». Minčuka asudzili da 4 hadoŭ kałonii za kamientary
U Bresckim abłasnym sudzie da čatyroch hadoŭ kałonii va ŭmovach ahulnaha režymu asudzili 55-hadovaha minčuka Alaksandra Kołpaka. Za kamientary ŭ telehram-čatach padčas pratestaŭ u 2020 hodzie jaho pryznali vinavatym pa dvuch artykułach Kryminalnaha kodeksa: č. 1 art. 342 (arhanizacyja dziejańniaŭ, jakija hruba parušajuć hramadski paradak) i č. 1 art. 130 (raspalvańnie inšaj sacyjalnaj varožaści). Taki prysud vyniesła sudździa Viera Fiłonik, piša «Viasna».
Zhodna ź viersijaj abvinavačvańnia, Kołpak raźmiaściŭ u telehram-čacie «niehatyŭnyja kamientary na adras supracoŭnikaŭ AUS, dziaržaŭnych słužačych, pradstaŭnikoŭ ułady, u jakich padachvočvaŭ i zaklikaŭ da hvałtu ŭ dačynieńni da pradstaŭnikoŭ nazvanych sacyjalnych hrup».
Taksama mužčynu abvinavacili ŭ tym, što jon z 8 žniŭnia pa 28 vieraśnia 2020 hoda ŭ Minsku z vykarystańniem publikacyj u telehram-čacie, udzielnikami jakoha źjaŭlalisia zvyš 8,5 tysiačy čałaviek, «nieadnarazova raźmiaščaŭ tekstavyja artykuły, u jakich zaklikaŭ kiroŭcaŭ stvarać zatory na darohach, sabatavać vychad na pracu i pratestavać, u tym liku ź pierakryćciem ruchu transpartu».
«U publikacyjach Kołpak taksama tłumačyŭ, jak dziejničać hramadzianam u dačynieńni da supracoŭnikaŭ pravaachoŭnych orhanaŭ, akazvać im fizičnaje niepadparadkavańnie», — havorycca ŭ abvinavačvańni.
Dziaržaŭnaje abvinavačvańnie zaprasiła dla jaho čatyry hady pazbaŭleńnia voli z adbyvańniem u papraŭčaj kałonii va ŭmovach ahulnaha režymu. Mienavita taki prysud i pryznačyła sudździa Viera Fiłonik. Akramia hetaha, u mužčyny kanfiskavali mabilny telefon jak «srodak ździajśnieńnia złačynstva».
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami32
Kamientary