Hrodzienskija mastaki pavinny zapłacić za ziamlu, na jakoj mieściacca viežy pad niefarmalnymi nazvami Kasia i Basia, 22 tysiačy rubloŭ. Zaraz jany šukajuć sponsara i hatovyja raźličycca z im tvorami, piša Hrodna.life.
Majsterni mastakoŭ raźmiaščajucca ŭ byłych vodanapornych viežach, jakich hrodziency nazyvajuć Kasia i Basia. Jany naležać Biełaruskamu sajuzu mastakoŭ. Arenda dla tvorcaŭ biaspłatnaja, ale jany pavinny apłačvać kamunalnyja płaciažy.
U červieni 2022 hoda mastakam vystavili rachunak na vypłatu zapazyčanaści ŭ 22 tysiačy rubloŭ za karystańnie ziamloj u apošnija šeść hadoŭ. Raniej paviedamleńni ab zapazyčanaściach im nie prysyłali. Kali karystalniki nie zmohuć apłacić zapazyčanaść, to abłasnuju arhanizacyju mastakoŭ aštrafujuć i zakryjuć, a pazyku atrymaje na svaje plečy respublikanski sajuz mastakoŭ.
Respublikanski sajuz mastakoŭ u Minsku hatovy zapłacić 15 tysiač, astatnija 7 tysiač mastaki pavinny vypłacić sami. Paśla zvarotu ŭ padatkovuju i Hrodzienski harvykankam im dali adterminoŭku na adzin miesiac. Zaraz mastaki sprabujuć znajści sponsara i raźličycca ź im svaimi tvorami.
Kamientary