U siecivie źjaviłasia videa ešałona z vajskovaj technikaj, jaki minaje čyhunačnuju stancyju «Orša». Na zapisie možna ŭbačyć 12 tankaŭ z markiroŭkaj N-2200 i tavarny vahon z tryma čałaviekami ŭ vajskovaj formie.
Jak śćviardžaje telehram-kanał «Biełaruski Hajun», ešałon nakiroŭvajecca ŭ bok Rasii i składajecca z tankaŭ T-72A. Kanał miarkuje, što videa źniataje siońnia ranicaj.
«Varta adznačyć, što tanki T-72A nie znachodziacca na ŭzbrajeńni US RB. Asnoŭnym bajavym tankam US RB zjaŭlajecca T-72B. U adkrytych krynicach niama infarmacyi ab prahramach madernizacyi tankaŭ T-72A u RF ci RB, što vyklučaje viersiju ab mahčymaj adpraŭcy techniki na madernizacyju ŭ RF», — piša kanał.
«Biełaruski Hajun» vykazvaje mierkavańnie, što biełaruskija ŭłady mahli pačać pieradaču Rasii ciažkaj braniatechniki, źniataj z zachoŭvańnia.
Siońnia Hienštab Ukrainy zajaviŭ, što ŭ najbližejšy čas z terytoryi Biełarusi «płanujecca pieramiaščeńnie ŭ Rasiju jašče 13 ešałonaŭ z bojeprypasami i materyjalna-techničnymi srodkami».
-
Katalicki sajt: Na Pieršym kanale katalickaja imša zastałasia, źnikła jana z kanała «Kultura»
-
Azaronak pra zakryćcio biełaruskich kram: Prybrali tamu, što vy heta lubili. Mnie nie lanota siadzieć i hladzieć, dzie što pradajuć
-
Cichanoŭskaja: Kali my nie pazbavimsia hetaha režymu, pahroza z terytoryi Biełarusi budzie zastavacca pastajannaj
Kamientary