Łukašenka: U Biełarusi buduć raźmieščanyja rasijskija vojski. «Heta budzie nie adna tysiača čałaviek»
Alaksandr Łukašenka zrabiŭ hetuju zajavu 10 kastryčnika na naradzie z hienieralitetam.
«U suviazi z abvastreńniem na zachodnich miežach Sajuznaj dziaržavy my damovilisia ab razhortvańni rehijanalnaj hrupoŭki Rasijskaj Fiederacyi i Respubliki Biełaruś. Heta ŭsio pa našych dakumientach. Kali ŭzrovień pahrozy dasiahaje ciapierašniaha ŭzroŭniu, jak ciapier, my pačynajem zadziejničać hrupoŭku Sajuznaj dziaržavy. Asnova (ja zaŭsiody pra heta kazaŭ) hetaj hrupoŭki — armija, uzbrojenyja ciły Respubliki Biełaruś.
Pavinien vas infarmavać, što farmavańnie hetaj hrupoŭki pačałosia. Jano idzie ŭžo, pa-mojmu, na praciahu dvuch dzion. Addadzienaje było majo rasparadžeńnie, kab my prystupili da farmavańnia hetaj hrupoŭki», — cytuje Łukašenku BiełTA.
Alaksandr Łukašenka taksama adznačyŭ, što Rasii ciapier nie da hetaha kanfliktu.
«Jašče nie chapała druhoha kanfliktu. Vy viedajecie, što ŭ ich chapaje prablem. Tamu vy nie raźličvajcie na vialikuju kolkaść Uzbrojenych sił Rasijskaj Fiederacyi. Ale heta budzie nie adna tysiača čałaviek», — skazaŭ jon.
«I budźcie hatovyja ŭ najbližejšy čas pryniać hetych ludziej i raźmiaścić tam, dzie treba, pa našym płanie. Bieź pieraboru, biez nahniatańnia situacyi i abstanoŭki», — daručyŭ Alaksandr Łukašenka ministru abarony.
Niekalki dziasiatkaŭ tysiač rasijskich vajskoŭcaŭ z terytoryi Biełarusi ŭ lutym-sakaviku sprabavali zachapić Kijeŭ i centr Ukrainy, adnak byli vyviedzienyja paśla razhromu pad Kijevam, kali Rasii brakavała žyvoj siły dla viadzieńnia vajennych dziejańniaŭ na poŭdni Ukrainy.
-
U minskim parku Čaviesa dva dni budzie pracavać zipłajn — reč sa spuskam na šalonaj chutkaści
-
Łukašenka zahadaŭ, kab byłych siłavikoŭ, ratavalnikaŭ i dypłamataŭ, zvolnienych «pa dyskredytujučych», adsočvali piać hadoŭ
-
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram3
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary