Brytanskija śpiecsłužby: Rašeńni Pucina akazalisia pamyłkovymi. Rasijskija vojski źniasilenyja, a bojeprypasy zakančvajucca
Ukraina pierałamiła chod vajny i supraćstaić rasijskim vojskam, jakija znachodziacca ŭ źniasilenym stanie, havorycca ŭ zajavie kiraŭnika Centra ŭradavaj suviazi Vialikabrytanii (GCHQ) Džeremi Fleminha, jakuju jon zrobić u aŭtorak.
Vytrymki z budučaj pramovy kiraŭnika śpiecsłužby žurnalisty BBC atrymali ŭviečary ŭ paniadziełak.
Jak ličać u GCHQ, niahledziačy na masiravanyja rakietnyja abstreły ŭkrainskaj terytoryi, jakija adbylisia napiaredadni, bojeprypasy ŭ rasijskich vajennych zakančvajucca, a rašeńni prezidenta Rasii Uładzimira Pucina akazalisia pamyłkovymi.
Vydatki Rasii na vajnu va Ukrainie ŭ płanie ludziej i techniki — ašałamlalnyja, usie pośpiechi rasijskich vojskaŭ u pieršyja miesiacy vajny ciapier źviedzienyja na ništo, havorycca ŭ zajavie Fleminha.
«My viedajem — i rasijskija kamandziry na miescach viedajuć — što ich zapasy i bojeprypasy zakančvajucca, — zajavić kiraŭnik GCHQ. — Va ŭmovach adsutnaści efiektyŭnaha ŭnutranaha supraćdziejańnia rašeńni Uładzimira Pucina akazalisia pamyłkovymi.
Heta stratehija vysokich stavak, jakaja pryvodzić da stratehičnych pamyłak u mierkavańniach».
Toje, jak mocna Pucin pamyliŭsia ŭ acency situacyi, bačać i rasijskija hramadzianie, ličać u śpiecsłužbie.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?66
Kamientary