Servis VOKA vypuściŭ «Karparacyju monstraŭ» u biełaruskim dublažy
Videaservis VOKA vypuściŭ jašče adzin animacyjny film ad studyj Pixar i Disney u novym aficyjnym dublažy. Ciapier na płatformie možna pahladzieć «Karparacyju monstraŭ» na biełaruskaj movie.
«Karparacyja monstraŭ» vyjšła ŭ 2001 hodzie i była vielmi ciopła pryniataja jak hledačami, tak i prafiesijnymi krytykami. Multfilm atrymaŭ čatyry naminacyi na «Oskar», u tym liku «Najlepšy animacyjny film», ale tady prajekt Pixar i Disney sastupiŭ «Šreku». Zatoje saŭndtrek If I Didn't Have You u vykanańni akcioraŭ Džona Hudmiena i Bili Krystała byŭ adznačany załatoj statuetkaj za najlepšuju pieśniu. U 2013 hodzie vyjšaŭ praciah multfilma «Univiersitet monstraŭ».
Multfilm raskazvaje pra dvuch monstraŭ: vializnaha i puchnataha Džejmsa Pi Salivana, ci prosta Sali, i jaho adnavokaha partniora i najlepšaha siabra Majka Vazoŭski, jakija pracujuć na fabrycy pad nazvaj «Karparacyja monstraŭ». Usio, što im treba, — pałochać dziaciej, tamu što ź dziciačych krykaŭ jany atrymlivajuć elektryčnaść. Ale adnojčy žyćcio monstraŭ akazvajecca pad pahrozaj: u ich śviet traplaje dzicia, a ź dziećmi stolki kłopataŭ, što jany mohuć davieści kaho zaŭhodna.
Pahladzieć «Karparacyju monstraŭ» mohuć usie karystalniki VOKA pa padpiscy «Usio ŭklučana» ŭ raździele «CINEVOKA — Kino pa-biełarusku», dzie taksama pradstaŭlena bolš za 50 inšych pieraahučanych filmaŭ — ad halivudskich błokbastaraŭ da anime. U tym liku multfilmy Pixar i Disney — «Duša», «Uvierch», «Napierad», «Supiersiamiejka», «U pošukach Nema» i inšyja.
Ciapier čytajuć
Jak skłaŭsia los internacyjanalnych dziaciej, jakich vychoŭvali ŭ Žodzinie ŭ pieršym u Biełarusi dziciačym domie siamiejnaha typu?5
Kamientary