U Breście futbolny kłub pradaje dom amal za miljon dalaraŭ. Pryčym jaki!
Pryhožy dvuchpaviarchovy budynak z kałonami, antyčnaj vazaj i achoŭnaj šyldaj raźmieščany u Breście na vulicy Levanieŭskaha, 7, pobač z parkam 1 Maja. Jon pradajecca, ale kaštuje vielmi vialikich hrošaj, piša «Anłajnier».
U 2006 hodzie budynak płoščaj u 632 kvadratnyja mietry byŭ vykupleny pad ofis futbolnaha kłuba «Dynama», ale ciapier, praz 15 ź liškam hadoŭ, hramadskaje abjadnańnie «Futbolny kłub «Dynama-Brest» pradaje jaho praz aŭkcyjon. Pry hetym budynak znachodzicca ŭ stadyi rekanstrukcyi.
Jak paviedamlajuć u Bresckim haradskim centry pa kiravańni nieruchomaściu, pačatkovaja cana abjekta — 2 375 000 rubloŭ, suma zadatku — 237 500. Nabyty abjekt treba apłacić na praciahu 20 kalandarnych dzion z daty praviadzieńnia tarhoŭ na śpiecyjalny raźlikovy rachunak. Aŭkcyjon projdzie 22 listapada.
Pry hetym miljon dalaraŭ u ekvivalencie — nie rekordnaja suma dla biełaruskich abjektaŭ. Niadaŭna za 2 865 000 rubloŭ na tarhi vystavili budynki kansiervava-fabrykatnaha cecha ŭ Słucku, a za 4 117 441 — byłuju kazarmu ŭ centry Bresta.
Kamientary