Pa spravie ab pažary ŭ kafe ŭ Kastramie zatrymali dvuch čałaviek
Pa kryminalnych spravach ab pažary ŭ kafe «Palihon» u Kastramie zatrymali dvuch čałaviek. Pra heta paviedamlaje Śledčy kamitet Rasii.
23-hadovy mužčyna, jaki vykarystoŭvaŭ piratechniku, z-za jakoj, jak miarkujecca, pačałosia ŭzharańnie, zatrymany ŭ jakaści padazravanaha pa spravie ab pryčynieńni śmierci pa nieaściarožnaści (častka 3 artykuła 109 KK Rasii).
Aficyjna jaho imia nie nazyvajecca. Pavodle źviestak Baza, heta vajskoviec Stanisłaŭ Ionkin. U žniŭni jon viarnuŭsia z Ukrainy, dzie atrymaŭ ranieńnie, a ŭ Kastramu pryjechaŭ na miedkamisiju.
Druhoj zatrymanaj stała dyrektar TAA «Impieryja», jakaja arhanizoŭvała pracu kafe. Jana źjaŭlajecca padazravanaj pa spravie ab akazańni pasłuh, jakija nie adpaviadajuć patrabavańniam biaśpieki (častka 3 artykuła 238 KK Rasii).
Pažar u kafe «Palihon», jaki naležyć miascovamu deputatu, adbyŭsia ŭ noč na subotu, 5 listapada, kali va ŭstanovie znachodzilisia sotni ludziej. U vyniku ŭzharańnia zahinuli 13 čałaviek. Pažar tušyli piać hadzin, u budynku abrynuŭsia dach na płoščy 3,5 tysiačy kvadratnych mietraŭ.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1818
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?18
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary