Ułady Ukrainy paćvierdzili, što ŭ Krymie zabili iranskich vajennych daradcaŭ, jakija kiravali dronami-kamikadze
Sakratar Rady nacyjanalnaj biaśpieki i abarony Ukrainy Alaksiej Daniłaŭ paćvierdziŭ u intervju The Guardian, što ŭ anieksavanym Krymie zabili niekalki iranskich vajskovych daradcaŭ, jakija dapamahali rasiejskim vajskoŭcam kiravać iranskimi dronami-kamikadze Shahed-136.
U kancy kastryčnika The Jerusalem Post paviedamiŭ, što, pa danych amierykanskich i ŭkrainskich krynic, u Krymie z-za ŭkrainskich udaraŭ zahinuli dziesiać hramadzian Irana, jakija vučyli rasijskich sałdat vykarystoŭvać iranskija bieśpiłotniki.
Alaksiej Daniłaŭ daŭ zrazumieć, što Ukraina budzie pieraśledavać lubuju dalejšuju iranskuju vajennuju prysutnaść. «Vas nie pavinna być tam, dzie vas nie pavinna być. Jany byli na našaj terytoryi. My ich siudy nie zaprašali, i kali jany supracoŭničajuć z terarystami i ŭdzielničajuć u źniščeńni našaj nacyi, my pavinny ich zabić», — zajaviŭ jon padčas intervju ŭ Kijevie.
Kiraŭnik anieksavanaha Kryma Siarhiej Aksionaŭ, u svaju čarhu, nazvaŭ śćviardžeńni Daniłava «fiejeryčnym tryźnieńniem».
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary