U subotu frantalny raździeł, centr jakoha znachodzicca nad Ukrainaj, budzie pieramiaščacca praz terytoryju Biełarusi, tamu na bolšaj častcy krainy projdzie śnieh.
Pryčym na Homielščynie budzie pieravažać śnieh i doždž. A ŭnačy pa Bresckaj vobłaści, a ŭdzień u mnohich rajonach Homielskaj vobłaści čakajucca mocnyja apadki — śnieh, mokry śnieh.
U niadzielu ŭnačy terytoryja Biełarusi apyniecca ŭ asnoŭnym u poli panižanaha atmaśfiernaha cisku, tamu łakalna projdzie karotkačasovy śnieh. Ranicaj i dniom kraina trapić pad upłyŭ paŭnočnaj pieryfieryi paŭdniovaha cykłonu, jaki budzie pieramiaščacca z Bałkanskaha paŭvostrava na centralnyja rajony Rasii.
«U Biełarusi prahnazujucca składanyja ŭmovy nadvorja, źviazanyja z apadkami, — mokrym i zvyčajnym śnieham, daždžom, miescami pa krainie čakajecca mocny śnieh, nalipańnie mokraha śniehu i zavirucha. Taksama viecier budzie ŭzmacniacca paryvami da 15—20 m/s, miescami zachavajecca hałalodzica», — raskazali ŭ Biełhidramiecie.
Sinoptyki ŭ suviazi z hałalodam i mocnym vietram rekamiendujuć pa mahčymaści zastavacca doma, a aŭtamabilistam — być bolš uvažlivymi za rulom ci zusim admovicca ad pajezdak.
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary