Brytanskaja raźviedka: Rasija pa-raniejšamu stavić sabie za metu prasunucca ŭhłyb Danieckaj vobłaści, ale ŭ jaje naŭrad ci heta atrymajecca
Pryjarytetnaj zadačaj Rasii va Ukrainie, vierahodna, pa-raniejšamu zastajecca prasoŭvańnie ŭhłyb Danieckaj vobłaści, ale rasijskija vojski naŭrad ci zmohuć damahčysia hetaha ŭ bližejšyja miesiacy, havorycca ŭ paviedamleńni brytanskaj vajennaj raźviedki.
«Stratehija Rasii najbližejšym časam naŭrad ci dasiahnie hetaj mety: vielmi małavierahodna, što rasijskija vajskoŭcy ciapier zdolnyja stvaryć efiektyŭnuju ŭdarnuju siłu, zdolnuju zachapić hetyja rajony», — havorycca ŭ paviedamleńni.
Na dumku brytanskaj raźviedki, rasijskija suchaputnyja vojski naŭrad ci dabjucca jakich-niebudź pośpiechaŭ u apieratyŭnym dačynieńni na praciahu niekalkich miesiacaŭ.
8 śniežnia pres-sakratar prezidenta Rasii Dźmitryj Piaskoŭ u čarhovy raz zajaviŭ, što metaj «śpiecyjalnaj vajennaj apieracyi» Rasii va Ukrainie źjaŭlajecca «abarona» žycharoŭ Danbasa i paŭdniovaha ŭschodu Ukrainy.
«U ramkach abarony hetych ludziej utvarylisia hetyja novyja terytoryi ŭ vyniku refierendumaŭ», — patłumačyŭ jon.
Słovy Piaskova śviedčać ab tym, što ciapierašnija minimalnyja palityčnyja mety Rasii ŭ vajnie zastajucca niaźmiennymi, ličyć brytanskaja raźviedka.
«Rasija, vierahodna, usio jašče imkniecca raspaŭsiudzić kantrol na ŭsiu Danieckuju, Łuhanskuju, Zaparožskuju i Chiersonskuju vobłaści», — havorycca ŭ paviedamleńni.
Kamientary