HUR: Rasija vyrablaje kala 40 novych rakiet u miesiac, u jaje ich zastajecca jašče na try-piać vialikich abstrełaŭ
Z pačatku vajny Rasija zrabiła 240 kryłatych rakiet Ch-101 i kala 120 marskich rakiet «Kalibr», to-bok rasijskaja vajennaja pramysłovaść vyrablaje za miesiac kala 40 rakiet, jakimi z pačatku kastryčnika abstrelvajuć ukrainskuju enierhietyčnuju infrastrukturu, paviedamiŭ New York Times namieśnik načalnika Hałoŭnaha ŭpraŭleńnia raźviedki Minabarony Ukrainy Vadzim Skibicki.
«Pa našych raźlikach, u ich zastałosia rakiet na try-piać chvalaŭ udaraŭ. Heta kali ŭ kožnaj chvali pa 80—90 rakiet», — cytuje hazieta Skibickaha.
U niekatorych abstrełach vykarystoŭvałasia mienš rakiet — tak, tydzień tamu, 5 śniežnia, prylacieła kala 70 rakiet.
Rasija nie raskryvała abjomy ni zapasaŭ, ni vytvorčaści rakiet. Za apošnija miesiacy analityki pryjšli da kansensusu, što davajennyja acenki hetych vieličyń akazalisia zanižanymi. Razam z tym, bolšaść ekśpiertaŭ usio jašče ličyć, što tempy vytvorčaści hetych bojeprypasaŭ nie paśpiavajuć za ich raschodavańniem.
Na minułym tydni ŭ dakładzie hrupy Conflict Armaments Research apisvalisia abłomki rakiety, vypuščanaj 23 listapada, z markiroŭkaj, jakuju śpiecyjalisty (biez 100-pracentnaj upeŭnienaści) rasšyfroŭvajuć, što jana była zroblenaja nie raniej za kastryčnik.
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club4
Kamientary