Žurnalist Dźmitryj Siemčanka z-za krataŭ: «Pryjemnaja ŭvaha, jakaja nadaje sens maim učynkam»
Dzmitryj — žurnalist i televiadoŭca, jaki raniej zajmaŭ pasadu ŭ častcy «prezidenckaha puła» telekanała ANT. Suprać jaho raspačali kryminalnuju spravu pa č. 1 art. 130 KK (raspalvańnie sacyjalnaj varožaści ci varažniečy).
Dniami palitviazień dasłaŭ na volu viestačku:
«Vitanki, daražeńki i cudoŭny čałaviečak! Ščyry dziakuj. Usio dajšło da mianie. Va ŭsich sensach. Tolki harbatku ŭ pakiecikach nielha dasyłać, tamu jaje nie prynieśli, ale heta drobiazi.
Kudy bolš pryjemnaja ŭvaha, jakaja nadaje sens maim učynkam i sioniašniamu isnavańniu tut. Tamu jašče raz dziakuju! Minie niejki čas (spadziajusia, što chutka), i ŭ adnym sa znakavych miescaŭ abaviazkova zrobiać pomnik u vyhladzie anioła z paštoŭkaj u adnoj ruce i z banderolkaj u druhoj. Zrazumieła, kamu jon budzie pryśviečany».
Dźmitryja Siemčanku zatrymali razam z žonkaj 15 vieraśnia i prysudzili jamu 15 sutak administracyjnaha aryštu pa artykule 19.1 KaAP (drobnaje chulihanstva). Paśla zakančeńnia hetaha terminu Dzmitryj nie vyjšaŭ na volu i byŭ asudžany jašče na 13 sutak aryštu pa artykule 19.11 KaAP za raspaŭsiud «ekstremisckich materyjałaŭ» u sacyjalnych sietkach.
A 13 kastryčnika 2022 hoda nie vyjšaŭ na volu, stała viadoma, što na jaho zaviali kryminalnuju spravu pa č. 1 art. 130 KK RB (raspalvańnie sacyjalnaj varožaści ci varažniečy). Artykuł praduhledžvaje maksimalnuju sankcyju ŭ vyhladzie pazbaŭleńnia voli da piaci hadoŭ.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?23
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2424
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama24
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary