Padatak na prafiesijny dachod dla ramieśnikaŭ moža skłaści 6 rubloŭ u miesiac
U Biełarusi padrychtavany zakonaprajekt, jaki dazvolić ramieśnikam prymianiać padatak na prafiesijny dachod. Pra heta raspaviała načalnica adździeła padatkaabkładańnia indyvidualnych pradprymalnikaŭ MPZ Taćciana Putryk padčas viebinara «Padatak na prafdachod» 14 śniežnia, piša Office Life.
Pa słovach pradstaŭnicy MPZ, fizasoba, jakaja zajmajecca ramiesnaj dziejnaściu, z 2023 hoda budzie mieć prava pierajści na prymianieńnie padatku na prafdachod. Kab dać mahčymaść ramieśnikam prymianiać taki padatak, z 1 studzienia 2023 hoda ramiesny zbor budzie vypłačvacca štomiesiac, i jaho suma składzie 6 rubloŭ.
Tyja fizičnyja asoby, jakija viaduć ramiesnuju dziejnaść i zachočuć pierajści na prymianieńnie padatku na prafdachod, naprykład, u lutym 2023 hoda, zbor pavinny vypłacić da pačatku ramiesnaj dziejnaści za adpaviedny miesiac, u jakim ažyćcioŭleny pierachod. Im ramiesny zbor budzie pieraličany.
Putryk padkreśliła, što prapanova ab štomiesiačnaj vypłacie ramiesnaha zboru — heta zakonaprajekt, i kali jon budzie pryniaty, to pačnie dziejničać z 1 studzienia 2023 hoda. A dziejučaje zakanadaŭstva abaviazvaje ŭ 2022 hodzie fizičnych asob-ramieśnikaŭ vypłacić zbor za 2023 hod nie paźniej za 28 śniežnia ŭ sumie 62 rubli.
Kali zakonaprajekt budzie pryniaty ŭ takoj redakcyi, to z 1 studzienia 2023 hoda ŭsim fizičnym asobam-ramieśnikam, jakija zapłacili zbor u śniežni 2022 hoda, praviaduć pieraraźlik z pamiesiačnaj vypłataj. A ŭ vypadku, kali fizasoba piarojdzie na prymianieńnie padatku na prafdachod, pieraraźlik zrobiać i za kankretny miesiac, u jakim budzie ažyćcioŭleny taki pierachod.
Z 1 studzienia ŭ Biełarusi padatak na prafiesijny dachod u niekatorych vypadkach budzie abaviazkovym, a ŭ inšych — dobraachvotnym. U pastanovie Saŭmina № 851 «Ab pieraliku vidaŭ dziejnaści» vyznačana, chto z samazaniatych moža stać płacielščykam padatku na prafiesijny dachod. U pieralik nie trapili prafiesijnyja pasłuhi buchhałtaraŭ, jurystaŭ, inšyja. Amal usie vidy dziejnaści, pa jakich IP mohuć supracoŭničać ź jurasobami, akazalisia pa-za śfieraj prymianieńnia NPD.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva3
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2828
Kamientary