Hirkin: Biełaruś u lubym vypadku budzie ŭciahnutaja ŭ vajennyja dziejańni. Łukašenku da Haahi nie daviazuć
Pałkoŭnik Hirkin miarkuje, što «nichto Łukašenku nikoli nie prabačyć». Raspaŭsiudžvańnie vajny na Biełaruś adstaŭny rasijski aficer ličyć niepaźbiežnym.
«Ciapier, nakolki ja razumieju, biełarusy zamierli ŭ tryvožnym čakańni — apyniecca Biełaruś u stanie vajny ci nie? Ci budzie jana ŭciahnutaja ŭ vajennyja dziejańni?» — zadaŭsia pytańniem u svaim videabłohu były ministr abarony «DNR» Ihar Hirkin (Strałkoŭ), ciapier papularny ŭ Rasii błohier.
Na jahonuju dumku, «u 2023 hodzie Biełaruś u lubym vypadku budzie ŭciahnutaja ŭ vajennyja dziejańni, navat kali Biełaruś nie padtrymaje svaimi Uzbrojenymi siłami Rasijskuju Fiederacyju ŭ hetaj vajnie. Rana ci pozna, — na dumku Hirkina, — uvarvańnie z boku Ukrainy ŭ Biełaruś adbudziecca».
«Nichto Łukašenku nikoli nie prabačyć, i jaho taksama čakaje ŭ lepšym vypadku Haaha — u vypadku parazy Rasii, — miarkuje Hirkin. — Navat bolš vierahodna, što da Haahi jaho nie daviazuć. Čamuści mnie tak zdajecca».
Pałkoŭnik Hirkin aceńvaje biełaruskuju armiju jak nie vielmi mocnuju. «Jana zdolnaja vykonvać tolki dapamožnuju rolu praz svaju nievialikuju kolkaść. Tym bolš, što mabilizacyja ŭ Biełarusi nie pravodzicca i, napeŭna, nie płanujecca. Mahčyma, z taje pryčyny, što kadravaje vojska, kadravyja siłavyja struktury — heta adno, a pryzvać značnuju častku nasielnictva, jakoje nie całkam łajalnaje — miarkuju, što Łukašenka na heta nie pojdzie. Navat kali vajna budzie vieścisia na terytoryi Biełarusi», — kaža Hirkin. Ale dapuskaje, što moža pamylacca.
Błohi Ihara Hirkina stali papularnymi ŭ Rasii paśla taho, jak jon pieršy staŭ davać praŭdzivuju i nieprycharošanuju infarmacyju z frantoŭ i krytyku rasijskaha kamandavańnia i ŭładaŭ. Prahnozy Hirkina nie raz spaŭnialisia. Ën pieršy ŭ Rasii sprahnazavaŭ pravał nastupu na Danbasie i adstupleńnie rasijan z-pad Chiersona. Pry hetym Hirkin zastajecca na pazicyjach šavinizmu až da manarchizmu.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram5
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary