Eks-ministra lasnoj haspadarki asudzili na siem z pałovaj hadoŭ kałonii
Eks-ministr lasnoj haspadarki Vital Drožža prysudžany da 7,5 hoda kałonii. Takoje rašeńnie vynies siońnia sud.
U dziaržabvinavačvańni śćviardžajecca, što Drožža atrymaŭ chabar u $30 tysiač ad pradstaŭnika zamiežnaj kampanii. Pryčym zdaryłasia heta jašče ŭ 2020 hodzie ci raniej.
Raniej adznačałasia, što Vital Drožža damoviŭsia z zasnavalnikam i dyrektaram zamiežnaj arhanizacyi ab atrymańni chabaru za spryjalnaje vyrašeńnie pytańniaŭ pa nabyćci sušylnych kompleksaŭ. U złačynnuju schiemu nibyta byli ŭciahnutyja supracoŭniki, jakija nie viedali pra heta, a taksama svajačka Drožžy.
Eks-čynoŭnik całkam pryznaŭ vinu. Maksimalnaje pakarańnie pa hetym artykule było 15 hadoŭ kałonii.
Kamientary