Premjer-ministr Vialikabrytanii Ryšy Sunak pravioŭ telefonnuju razmovu z prezidentam Ukrainy Uładzimiram Zialenskim, paviedamili na Daŭninh-stryt, 10 i sam Zialenski ŭ tvitary.
U kamiunikie brytanskaha premjera havorycca, što Brytanija maje namier pieradać Ukrainie tanki Challenger 2, jak i čakałasia apošnimi dniami. Krynicy Bi-bi-si kažuć, što havorka moža iści ab prykładna 12 tankach.
Tym nie mienš, u samoj zajavie ab hetym skazana bolš abciakalna: «Premjer-ministr abmalavaŭ imknieńnie Złučanaha Karaleŭstva ŭzmacnić našu padtrymku Ukrainy, u tym liku šlacham pieradačy tankaŭ Challenger 2 i dadatkovych artyleryjskich sistem».
Zialenski padziakavaŭ Sunaku, adznačyŭšy, što hetaja pastanova «nie tolki ŭzmacniaje nas na poli boju, ale i pasyłaje pravilny sihnał inšym partnioram».
Pad takimi, vidavočna, razumiejecca Niamieččyna, čyja zhoda nieabchodnaja dla pastavak tankaŭ Leopard 2 mnohimi inšymi jeŭrapiejskimi krainami. U zajavie brytanskaha premjera taksama zhadvajecca hetaja akaličnaść.
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary