Piramidu Chieopsa ŭ jehipieckaj Hizie vyrašyli zakryć dla naviedvańnia turystami. Jak paviedamlaje Ministerstva turyzmu i staražytnaściaŭ Jehipta, heta zdarycca ŭ červieni. Pryčyna takoha rašeńnia — nieabchodnaść praviadzieńnia restaŭracyjnych rabot u ramkach prahramy rehularnaha absłuhoŭvańnia.
Kolki praciahniecca restaŭracyja samaj vialikaj jehipieckaj piramidy, pakul nie paviedamlajecca.
Nie tak daŭno navukoŭcy vyjavili ŭ piramidzie Chieopsa vialiki kalidor: dzieviać mietraŭ u daŭžyniu i krychu bolš za dva mietry ŭ šyryniu. Vyjaŭleńnie novaha kalidora ŭžo nazvali «adnym z samych važnych adkryćciaŭ, zroblenych u piramidzie Chieopsa ŭ sučasnuju epochu». A voś mumiju samoha faraona dahetul nie znajšli.
Piramida Chieopsa raźmieščanaja na płato Hizy na zachodnim bierazie raki Nił niedaloka ad Kaira, stalicy Jehipta. Kompleks składajecca z troch piramid faraonaŭ: Chieopsa, Chiefrena i Mikieryna. Piramida Chieopsa — častka suśvietnaj spadčyny JUNESKA.
Zbudavańnie źjaviłasia prykładna ŭ 2560 hodzie da našaj ery. Na praciahu bolš čym troch tysiačahodździaŭ (pryblizna da 1300 hoda) piramida była samaj vysokaj pabudovaj na ziamli.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva4
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2929
Kamientary