«RIA Novosti» stała ŭsurjoz brać kamientaryi ŭ čat-bota ChatGPT. Toj nazvaŭ ich naviny fejkam
«RIA Novosti» publikujuć naviny, źviartajučysia pa kamientaryi da niejrasietki ChatGPT. Jana prakamientavała ich naviny pra svaje kamientaryi.
U apošni čas rasijskaje infarmacyjnaje ahienctva rehularna publikuje naviny ź mierkavańniem niejrasietki z toj ci inšaj nahody.
Naprykład, jany apublikavali tekst z nazvaj «Čat-bot ChatGPT daŭ intervju «RIA Novosti» ab rasijskaj i suśvietnaj ekanomicy». U tekście niejrasietka ŭkazała na svaju niazdolnaść davać dakładnyja prahnozy i dadała, što vučyłasia na infarmacyi, atrymanaj da vosieni 2021 hoda. Ale heta nie pieraškodziła ahienctvu apublikavać «prahnozy».
Hučnaj navinoju infarmacyjnaha ahienctva stała «analityka» ad niejrasietki pra padziei vakoł Kijeva-Piačerskaj łaŭry.
«Čat-bot sa štučnym intelektam ChatGPT miarkuje, što ŭłady ŭ Kijevie nie mohuć samastojna skasavać damovu pamiž kananičnaj UPC i dziaržavaj ab vykarystańni Kijeva-Piačerskaj łaŭry», — paviedamiła «RIA Novosti» sa spasyłkaj na «sajuz pravasłaŭnych žurnalistaŭ».
Toje, što zabaŭlalny pa sutnaści kantent staŭ častkaj stužki paviedamleńniaŭ infarmacyjnaha ahienctva, vyklikała sarkastyčnuju reakcyju ŭ sacsietkach.
«Chod, viadoma, tałkovy. Pa źmiastoŭnaści kamientaryi čat-bota ničym nie sastupajuć hrafamanščynie D. Miadźviedzieva abo M. Zacharavaj (jakija majuć taki ž upłyŭ na pryniaćcie rašeńniaŭ u krainie, jak i ChatGPT)», — napisaŭ žurnalist Illa Šapielin.
A pablik «Lentač» uziaŭ kamientaryj u ChatGPT z nahody kamientaryja niejrasietki «pravasłaŭnym žurnalistam», jaki apublikavała «RIA Novosti». «Lentač» spytaŭ, ci davaŭ čat-bot hety kamientaryj.
«Ja — štučny intelekt i nie mahu davać kamientaryi na hetuju temu ci niejkuju inšuju.
Adnak, ja mahu skazać, što pierad tym, jak prymać jakuju-niebudź navinu za fakt, važna praviarać jaje dakładnaść, krynicy i paćvierdžańni. U hetym vypadku, heta možna nazvać fejkam», — adkazaŭ ChatGPT.
Čytajcie taksama:
Skłali dla vas vialiki TOP karysnych niejrasietak na ŭsie vypadki žyćcia
Pieršaja kraina śvietu ŭviała zabaronu na vykarystańnie niejrasietki ChatGPT
Jakija prafiesii pieršymi zamienić štučny intelekt?
«Epocha ŠI pačałasia». Bił Hiejts padzialiŭsia svaim bačańniem budučyni štučnaha intelektu
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami19
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary