«Najlepšaja vulica» ŭsio ž viartajecca. Zajmacca prajektam budzie novaja kamanda. Čaho čakać?

U hetym siezonie na «Najlepšaj vulicy» budzie pracavać 16 rezidentaŭ fud-korta, piŭny i kaktejlny bary. Zjavicca šmatfunkcyjanalnaja prastora dla biznes-sustreč i majstar-kłasaŭ i placoŭka dla iventaŭ «Tajms-skvier».

— «Najlepšaja vulica» ŭžo nie budzie raniejšaj, — kaža novaja kamanda arhanizataraŭ. — My chočam, kab jana abjadnała litaralna najlepšych ludziej u Minsku i zrabiła ich susiedziami pa intaresach i zachapleńniach.

Ale buduć udzielniki i ź minułaha siezona. Naprykład, «Babł Dabł» z haskonskimi vaflami, roł-marožanaje ad Ice-Roll, Wings & Ribs z rabrynkami na hryli, burhiery i chot-dohi ad Seven Stars. Zjaviacca i novyja dla «Najlepšaj vulicy», ale viadomyja pa fiestyvali Vulitsa Ezha rezidenty: hryl-bar «Šalony knyr», stylny fud-trak Blinblinskiy, COMIDA MEXICANA i inšyja ŭstanovy z asablivym mieniu.

Buduć i zusim novyja ŭdzielniki. Arhanizatary havorać, što staranna ich adbirali. Siarod pačatkoŭcaŭ PIEROGARNIA z polskimi pierohami, Thai Point z panazijackaj kuchniaj, haračyja bahiety ad Cat&Baguette.

Akramia ježy, na fud-korcie budzie multybrendavy piŭny i kaktejlny bary i kaljannaja zona. Płanujuć i zabaŭlalnuju prahramu: kinapakazy, kvizy, majstar-kłasy, dziciačyja zabaŭki, arkadnyja atrakcyjony, dj-sety i inšyja aktyŭnaści.

— Litaralna kožny dzień tydnia budzie pryśviečany svajoj tematycy, a kalandar mierapryjemstvaŭ užo składzieny ci ledź nie na ŭsio leta, — intryhujuć arhanizatary. — Da prykładu, pa vychadnych na terytoryi placoŭki buduć pracavać pastajannyja kirmašy: Local Food z ekapradukcyjaj ad miascovych fiermieraŭ i dyzajnierski markiet ad Sarafan. Akramia taho, haściej čakajuć siezonnyja ŭnikalnyja tematyčnyja mierapryjemstvy.

Placoŭka znachodzicca na terytoryi hadzińnikavaha zavoda «Łuč» pa adrasie praśpiekt Niezaležnaści, 95, korpus 16, niedaloka ad stancyi mietro « Park Čaluskincaŭ».

Z paniadziełka pa čaćvier placoŭka budzie pracavać z 13:00 da 23:00, a ŭ vychadnyja budzie adkryvacca na hadzinu raniej — u 12:00.

Fud-kort «Najlepšaja vulica» adkryŭsia ŭ Minsku ŭ žniŭni minułaha hoda. Płanavali, što jon budzie pracavać kruhły hod, ale ŭ kastryčniku placoŭka pajšła na kanikuły, jak miarkujecca, da viasny. Z kanikułaŭ u starym farmacie «Najlepšaja vulica» nie viarnułasia: u lutym u instahramie zjaviłasia abjava ab zakryćci prajekta, adnak na zavodzie «Łuč» jaje abvierhli i paabiacali, što fud-kort vierniecca ŭ novym farmacie i z novym apierataram. Zaraz apierataram placoŭki budzie kamanda, jakaja zajmajecca fiestyvalem Vulitsa Ezha.

• 0
• 0
• 1
• 0
• 0
• 1
• 3
• 0