Pra znojdzienuju ŭ lesie za niekalki kiłamietraŭ ad Bydhašča rakietu kłasa «pavietra-ziamla» stała viadoma siońnia. Nadpisy na joj byli na ruskaj movie. Polskim žurnalistam stała viadoma, što takaja rakieta jość na ŭzbrajeńni polskaj armii i, imavierna, jaje vykarystoŭvali padčas vučeńniaŭ.
Niepadalok ad miesca znachodki, prykładna za 10 km, znachodzicca abaronnaje pradpryjemstva «Lotniča-2», jakoje ramantuje, u tym liku, źniščalniki F-16. Taksama pablizu znachodzicca aeraport, jaki vykarystoŭvajecca hetym pradpryjemstvam i ŭzbrojenymi siłami.
Nadpisy na kirylicy na abłomkach mohuć tłumačycca tym, što na ŭzbrajeńni Polščy zastajecca zbroja savieckaj vytvorčaści — u tym liku samaloty MiH-29 z rakietami «pavietra-ziamla».
«Varta nahadać, što ŭ nas jość MiHi-29, jakija abstalavanyja rakietami», — tak u efiry internet-radyjo RMF24 prakamientavaŭ znachodku ŭ lesie pad Bydhaščam hienierał Raman Połka.
«Mahčyma, byli niejkija treniroŭki, moža, ukraincaŭ, moža, polskich lotčykaŭ», — dadaŭ jon.
Kamientary