Pres-sakratar MZS Anatol Hłaz prakamientavaŭ infarmacyju ŚMI pra toje, što biełaruskich lotčykaŭ, jakija apynulisia ŭ Sudanie, udałosia evakujavać.
«Heta nie zusim tak. Vyjechali z Sudana ŭ Jehipiet praz suchaputnuju miažu 6 biełaruskich hramadzian, jakija pracavali na sudanskija kampanii pa pryvatnych kantraktach, a nie na biełaruskaha avijapieravozčyka. Prytym hetaja inicyjatyva była spałučanaja ź vialikaj ryzykaj. Miažu ŭdałosia pierasiačy pry aktyŭnym sadziejničańni našych dypłamataŭ i rasijskich kaleh. Nasustrač nam pajšli i jehipieckija ŭłady. Ciapier jany znachodziacca ŭ Jehipcie dla dalejšaha ruchu na radzimu», — paviedamiŭ Anatol Hłaz.
Pa jaho słovach, pa stanie na 28 krasavika ŭ Chartumie znachodziacca dziesiać biełaruskich hramadzian, troje ź jakich raźmieščany ŭ pasolskim kompleksie Rasii.
«Miescy znachodžańnia ŭsich biełarusaŭ viadomyja i źjaŭlajucca najbolš biaśpiečnymi ŭ isnujučych umovach. Konsulskaja słužba pasolstva Biełarusi ŭ Jehipcie padtrymlivaje z usimi pastajannuju suviaź. Prapracoŭvajucca sposaby i šlachi ich evakuacyi», — zaznačyŭ Anatol Hłaz.
Kamientary