ZŠA: Sa śniežnia na vajnie va Ukrainie zahinuli 20 tysiač rasijanaŭ, mnohija ź ich — u Bachmucie
Pradstaŭnik Rady nacyjanalnaj biaśpieki ZŠA Džon Kirbi zajaviŭ sa spasyłkaj na rassakrečanyja źviestki amierykanskaj raźviedki, što na vajnie va Ukrainie za apošnija piać miesiacaŭ zahinuła bolš za 20 tysiač rasijskich vajskoŭcaŭ, a jašče 80 tysiač atrymali ranieńni. Pavodle jaho słoŭ, značnaja častka hetych strat prypadaje na bitvu za Bachmut, a pałova zahinułych sa śniežnia 2022 hoda byli najmitami PVK «Vahnier», jakija zmahajucca ŭ rajonie hetaha horada ŭ Danieckaj vobłaści, piša Bi-bi-si.
Pavodle acenak Kirbi, nastupalnaja apieracyja Rasii na Danbasie skončylisia pravałam. «Sproba Rasii ažyćciavić nastup na Danbasie ŭ asnoŭnym praz Bachmut pravaliłasia», — zajaviŭ pradstaŭnik Biełaha doma.
«Cana hetych sprobaŭ, asabliva ŭ Bachmucie, była prosta nievierahodna vysokaj», — skazaŭ pry hetym Kirbi. Jon zajaviŭ, što ŭ vyniku Rasija «źniasiliła svaje vajskovyja zapasy i Uzbrojenyja siły» — pry tym, što «abstreły i bai ŭ Bachmucie išli zadoŭha da śniežnia».
«Ale pa našych padlikach, tolki sa śniežnia kolkaść strat Rasii skłała bolš za 100 tysiač čałaviek, u tym liku bolš za 20 tysiač zabitymi, — zajaviŭ pradstaŭnik Rady nacyjanalnaj biaśpieki ZŠA. — Amal pałova [zahinułych] — «vahnieraŭcy», bolšaść ź jakich byli rasijskimi źniavolenymi, kinutymi na bitvu ŭ Bachmucie biez dastatkovaha bajavoha dośviedu, bajavoj padrychtoŭki, bajavoha kamandavańnia i jakoha-niebudź padabienstva arhanizacyjnaha i kamandnaha paradku».
Pry hetym nazvać amierykanskuju acenku ŭkrainskich strat Kirbi admoviŭsia: «Jany tut achviary, Rasija — ahresar». Pa słovach čynoŭnika, Bieły dom nie budzie publikavać infarmacyju, jakaja ŭskładniaje stanovišča Ukrainy i jaje armii.
U niadaŭnich sakretnych dakumientach Pientahona było skazana, što pa stanie na 1 sakavika ahulnyja straty Rasii na vajnie zabitymi aceńvalisia ad 35 tysiač da 43,5 tysiačy, a Ukrainy — 16—17 tysiač. Dakładnaść hetych dakumientaŭ kančatkova nie paćvierdžana.
Dyrektar rasijskaj prahramy ŭ centry vajskova-marskoha analizu ZŠA Majkł Kofman miarkuje ŭ tvitary, što rasijskija straty, pra jakija kaža Kirbi, — heta «vierchni paroh śpiektra acenak», a jaho nižni paroh, imavierna, składaje blizu 80—85% ad nazvanaj Biełym domam ličby.
Ciapier čytajuć
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2727
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama27
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary