Pavodle infarmacyi Centra miedycynskaha reahavańnia Ministerstva achovy zdaroŭja, u DTZ u Smalavickim rajonie na trasie P59 paciarpieli 5 čałaviek.
Usim piaciarym darosłym bryhady chutkaj mieddapamohi akazali pieršasnuju miedycynskuju dapamohu, zatym paciarpiełych špitalizavali ŭ Smalavickuju CRB.
U paciarpiełych dyjahnastavali traŭmy roznaj stupieni ciažkaści, u tym liku čerapna-mazhavyja, pierałomy, paškodžańni ŭnutranych orhanaŭ. Dvoje paciarpiełych, u jakich dyjahnastavali roznyja składanyja spałučanyja traŭmy, špitalizavanyja ŭ adździaleńnie aniestezijałohii i reanimacyi.
Na miescy zdareńnia pracavali śpiecyjalisty chutkaj miedycynskaj dapamohi i supracoŭniki DAI.
Padrabiaznaści paviedamili ŭ DAI Minskaj vobłaści.
«29-hadovy mužčyna, kirujučy aŭtamabilem Citroen Xantia, jechaŭ z boku Červienia ŭ kirunku Smalavičaŭ. Pry abhonie jon vyjechaŭ na pałasu sustrečnaha ruchu i sutyknuŭsia z sustrečnym aŭtamabilem Volkswagen Passat. U vyniku DTZ atrymali cialesnyja paškodžańni kiroŭcy aŭtamabilaŭ, a taksama dvoje pasažyraŭ aŭtamabila Citroen Xantia 2002 i 1991 hadoŭ naradžeńnia», — raspaviała pradstaŭnica DAI Minskaha abłvykankama Iryna Sapunova.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary