«Ja byŭ by aściarožny z tym, što jem». Bajden pažartavaŭ ab Pryhožynie
Taksama prezident ZŠA zakranuŭ temu ciapierašniaha miesca znachodžańnia kiraŭnika najmitaŭ.
Kiraŭnika PVK «Vahnier» Jaŭhiena Pryhožyna moža čakać atručvańnie. Takoj jaho budučyniu ŭ žartaŭlivaj formie apisaŭ prezident ZŠA Džo Bajden padčas vizitu ŭ Finlandyju.
Pra heta 13 lipienia napisała vydańnie Politico.
Pa słovach Bajdena, toj ciapier nie viedaje aktualnaha miescaznachodžańnia Pryhožyna, ale nastojliva rekamienduje jamu «ŭvažliva sačyć za tym, što jon jeść».
«Ja nie viedaju, dzie jon ciapier znachodzicca i jakoj dakładna budzie jaho budučynia. Ale na jaho miescy ja byŭ by vielmi aściarožny sa svaim mieniu i charčavańniem. Žarty žartami, ale ŭsio ž taki», — z uśmieškaj adznačyŭ Bajden.
Nahadajem, što paśla zakančeńnia miaciažu rasijskija ŭłady i Pryhožyn damovilisia ab pieradysłakacyi PVK «Vahnier» u Biełaruś. Z taho času ź miedyja stała viadoma pra čystki ŭ rasijskaj armii, asabistuju sustreču Pucina z «vahnieraŭcami» paśla miaciažu i mierkavanuju ciažkuju chvarobu Pryhožyna.
Tym časam dakładnych źviestak ab prysutnaści rasijskich najmitaŭ u Biełarusi pakul niama.
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary