«Nie prahladajecca sumiesnaje viadzieńnie boju». Bundeśvier źviarnuŭ uvahu na niedachopy ŭkrainskaha kontrnastupleńnia
Uzbrojenyja siły Hiermanii raskrytykavali dziejańni USU padčas kontrnastupleńnia. Maŭlaŭ, jany niapravilna vykarystoŭvajuć asvojenyja na Zachadzie mietady viadzieńnia vajny, piša «Jeŭrapiejskaja praŭda» sa spasyłkaj na vydańnie Bild, jakoje aznajomiłasia z sakretnym dakumientam bundeśviera.
Siarod hałoŭnych niedachopaŭ Uzbrojenych cił Ukrainy nazyvajuć značeńnie padziełu bajavych padraździaleńniaŭ, praz što «nie prahladajecca sumiesnaje viadzieńnie boju». Heta nie tolki pavialičvaje «niebiaśpieku družalubnaha ahniu», to-bok ahniu ŭ adkaz z boku ŭłasnych vojskaŭ, ale i «ŭ kirunku hałoŭnaha ŭdaru adsutničajuć manieŭranyja padraździaleńni dla razhortvańnia nastupu abo ŭstanaŭleńnia ahniavoj pieravahi», ličać u bundeśviery.
Inšymi słovami, praz toje, što Ukraina raźbivaje bryhady, jakija prajšli padrychtoŭku na Zachadzie, na hrupy z 10-30 sałdat, izalavanyja ad astatnich vojskaŭ, ni zachodniaja padrychtoŭka, ni lepšaje ŭzbrajeńnie, ni vialikaja kolkaść najaŭnych sałdat nie majuć značeńnia.
Akramia taho, krytyčna ŭ bundeśviery vykazalisia adnosna navučańnia vopytnych ukrainskich vajskoŭcaŭ, jakija, pavodle ich słoŭ, horš zasvojvajuć pryncypy zachodniaj padrychtoŭki abo naohuł nie biaruć u joj udzieł.
U dakumiencie bundeśviera havorycca, što kamandny skład demanstruje «časam značnyja niedachopy na adpaviednym uzroŭni ŭ kiraŭnictvie i ŭžyvańni kamandnych pracesaŭ, što pryvodzić da častkova niapravilnych i niebiaśpiečnych rašeńniaŭ».
Hetymi faktarami — padzieł bryhad i adsutnaść naležnaj padrychtoŭki ŭ kamandnym składzie — moža tłumačycca pavolnaje prasoŭvańnie ŭkrainskich sił padčas kontrnastupleńnia, kanstatujuć u Hiermanii.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary