Asabisty kuchar byłoha prezidenta ZŠA Baraka Abamy zahinuŭ u vyniku niaščasnaha vypadku niedaloka ad letniaj rezidencyi Abamy ŭ Masačusietsie.
45-hadovy Tafary Kempbeł pracavaŭ šef-kucharam u Biełym domie i zastaŭsia ŭ siamji Abamy paśla zakančeńnia jaho prezidenckaha terminu ŭ 2016 hodzie, piša Bi-bi-si.
Mužčyna źnik 23 lipienia padčas zaniatkaŭ padłbordynham (raznavidnaść siorfinhu).
Palicyja pačała pošuki paśla taho, jak atrymała paviedamleńnie pra vieślara, «jaki ŭvajšoŭ u vadu, niekatory čas sprabavaŭ utrymacca na pavierchni, a zatym źnik pad vadoj». Pavodle słoŭ śviedak, na pavierchni jon bolš nie źjaviŭsia.
Cieła mužčyny znajšli ŭ paniadziełak ranicaj u sažałcy horada Edhartaŭna na hłybini kala 2,5 mietra i na adlehłaści bolš za 30 mietraŭ ad bieraha.
Pravaachoŭniki ličać, što z Kempbełam zdaryŭsia niaščasny vypadak, adnak ułady praciahvajuć vyśviatlać usie detali trahiedyi.
Byłoha prezidenta ZŠA i jaho žonki ŭ momant incydentu doma nie było. Paźniej jany apublikavali sumiesnuju zajavu ŭ suviazi sa śmierciu piersanalnaha kuchara.
«Tafary byŭ členam našaj siamji. Kali my ŭpieršyniu sustrelisia, jon byŭ talenavitym su-šefam u Biełym domie — tvorčym čałaviekam, jaki byŭ całkam addany svajoj spravie. Paźniej my ŭbačyli ŭ im ciopłaha, viasiołaha i nievierahodna dobraha čałavieka, jaki rabiŭ naša žyćcio trochi jarčejšym», — napisali Barak Abama i jaho žonka Mišel.
«Voś čamu, kali my rychtavalisia pakinuć Bieły dom, my paprasili Tafary zastacca z nami, i jon vielikadušna pahadziŭsia. Z taho času jon staŭ častkaj našaha žyćcia, i našy sercy raźbityja, bo jon syšoŭ», — havorycca ŭ zajavie muža i žonki.
Taksama jany raspaviali, što ŭ Kempbeła zastalisia žonka i syny-bliźniaty.
«Siońnia my dałučajemsia da ŭsich, chto viedaŭ i lubiŭ Tafary, asabliva da jaho žonki Šeryz i ich chłopčykaŭ-bliźniat Ksaŭje i Savina, i smutkujem z pryčyny hibieli sapraŭdy vydatnaha čałavieka», — zajavili muž i žonka Abama.
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary
Na čarzie kitajski?