Dziaŭčynka-błohierka Miłana Chamietava viarnułasia ŭ Minsk paśla skandalnaha šou
U vieraśni minułaha hoda na fan-sustreču z Chamietavaj u Dana Mail pryjšło bolš za 10 tysiač čałaviek, skončyłasia ŭsio vialikim skandałam.
Ciapier rasijskaja błohierka pryjechała ŭ Minsk. U novym dopisie ŭ instahramie jana raskryła płany na budučyniu i padzialiłasia radaściu: jana stała sapraŭdnaj aktrysaj i atrymała hałoŭnuju rolu ŭ filmie «Nie adna doma». Zdymki novaj kamiedyi prachodziać jakraz u stalicy, piša Tochka.by.
12-hadovaja na toj momant dziaŭčynka sabrała anšłah na fan-sustrečy ŭ HC Dana Mall u vieraśni 2022-ha. Praŭda, skončyłasia ŭsio sumna: handlovy centr nie spraviŭsia z napłyvam hledačoŭ i vymušany byŭ śpiešna ŭsio skasavać. Miłana tady źjaviłasia tolki na niekalki chvilin i źjechała z HC.
Miłana ŭžo padzialiłasia pieršymi kadrami sa zdymačnaj placoŭki, na jakich pakazała siabie ŭ školnaj formie i z trafiejnaj kina-talerkaj. Fatahrafii byli zroblenyja na terytoryi adnoj sa škoł Novaj Baravoj, dzie i prachodziać zdymki.
Pobač ź joj paziravaŭ były chłopiec Volhi Buzavaj Dava (David Manukian), jaki siabruje ź dziaŭčynkaj i ŭsialak padtrymlivaje jaje ŭ novych pačynańniach.
«Vielmi chvalujusia, heta vielizarnaja adkaznaść i moj pieršy dośvied u kino», — napisała błohierka.
I taksama paprasiła fołavieraŭ pazyčyć joj pośpiechu, bo heta važny pavarot u jaje tvorčaj karjery.
Madelnaja karjera Miłany Chamietavaj pačałasia z troch hadoŭ. Ciapier u sacsietcy «Łajk» (anałah Tik-Tok) za joj sočać bolš za 1,6 młn karystalnikaŭ. Prykładna stolki ž u jaje padpisčykaŭ i ŭ instahramie.
Samaja papularnaja sacsietka Miłany — Youtube. Tam u jaje bolš za 3,2 miljona fołavieraŭ. Tak što niadziŭna, što jaje pryjezd u Minsk vyklikaŭ taki vialiki ažyjataž. Tym bolš z ulikam taho, što siarod jaje zornych siabroŭ — papularny błohier David Manukian, jaki rehularna adznačaje jaje ŭ pastach u svaich sacsietkach.
Ciapier čytajuć
Pamior kupałaviec Ivan Kušniaruk. Jamu było 34 hady4
Pamior kupałaviec Ivan Kušniaruk. Jamu było 34 hady
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary