U Dziarždumie Rasii płanujuć razhledzieć papraŭki ab kryminalnaj adkaznaści za ŭchileńnie ad mabilizacyi
Kiraŭnik kamiteta pa abaronie Andrej Kartapołaŭ zajaviŭ, što vosieńniu ŭ Dziarždumu pastupić zakonaprajekt ab kryminalnym pakarańni za ŭchileńnie ad mabilizacyi. Pavodle słoŭ deputata, uchilistaŭ prapanujecca karać štrafam da 500 tysiač rasijskich rubloŭ (5340 dalaraŭ) ci pazbaŭleńniem voli da piaci hadoŭ.
Nieabchodnaść zakonaprajekta Kartapołaŭ rastłumačyŭ žadańniem «vyraŭniać situacyju», bo adkaznaść za ŭchileńnie ad słužby pa pryzyvie jość, a za ŭchileńnie ad mabilizacyi — niama.
U toj ža čas Kartapołaŭ admaŭlaje padrychtoŭku da novaj mabilizacyi ŭ Rasii.
«Heta absalutna nijak nie źviazana pamiž saboj. […] Nijakaj novaj mabilizacyjaj i nie pachnie», — skazaŭ deputat.
Siońnia Uładzimir Pucin padpisaŭ zakon, jaki padniaŭ pryzyŭny ŭzrost u Rasii da 30-ci hadoŭ.
Kamientary