U Minsku asudzili telefonnych machlaroŭ. Jany telefanavali piensijanieram ad imia achviar DTZ
Sud Minskaha rajona asudziŭ troch telefonnych machlaroŭ da šaści hadoŭ kałonii, paviedamlaje BiełTA.
Abvinavačanyja ŭvachodzili ŭ skład arhanizavanaj hrupy. Kryminalnaja sprava ŭ dačynieńni da inšych fihurantaŭ vydzielenaja ŭ asobnuju vytvorčaść.
Paviedamlajecca, što z 17 pa 18 listapada 2022 hoda padčas telefanavańniaŭ abvinavačanyja schilali pažyłych ludziej pieradavać im hrošy. Padstavy byli vydumanymi: nibyta paciarpiełym svajakam u balnicach patrebnyja pradmiety hihijeny.
Taksama źbirali hrošy paciarpiełym u DTZ, kab svajaka abo znajomaha nie pryciahnuli da kryminalnaj adkaznaści. Usiaho machlary padmanuli ludziej amal na 171,2 tys. rubloŭ.
Im było vystaŭlena abvinavačańnie ŭ machlarstvie, a adnamu ź ich inkryminavana jašče i ŭciahvańnie niepaŭnaletniaha ŭ arhanizavanuju hrupu i va ŭčynieńnie ciažkaha złačynstva. Padletak byŭ kurjeram.
Miž tym adzin z abvinavačanych u 2021 hodzie ŭžo asudžaŭsia za ździajśnieńnie anałahičnaha złačynstva.
Sud Minskaha rajona pryznaŭ usich vinavatymi. Paŭnaletnija abvinavačanyja asudžanyja da piaci i šaści hadoŭ kałonii ŭzmocnienaha režymu, niepaŭnaletni — da troch hadoŭ šaści miesiacaŭ kałonii ahulnaha režymu. Usie atrymali vialikija štrafy. Sud vyrašyŭ spahnać na karyść paciarpiełych pamier škody, naniesienaj złačynstvam.
-
Polskaja daślednica biełaruskaj identyčnaści maryć pra pomnik «kułaku» ŭ Minsku i čakaje, kali Biełaruś znoŭ adkryjecca śvietu
-
Biełarus, jaki adsiadzieŭ u Tambovie, zavis miž niebam i ziamloj — Rasija choča departavać, a Biełaruś pytajecca: chto heta?
-
Mama studentki-vydatnicy raskazała pra vydatki na vypuskny
Kamientary