U ZŠA «aryštavali» toŭstuju miadźviedzicu, jakaja abrabavała dziasiatki damoŭ
«U złačynnaj schiemie taksama ŭdzielničali i miedźviedzianiaty».
Ułady Kalifornii «aryštavali» miadźviedzicu, jakaja ź lipienia 2021 hoda trymała ŭ strachu nievialiki horad Saŭt-Łejk-Tacha. Žyviolina załaziła ŭ damy ŭ pošukach ježy, a taksama šukała charčavańnie ŭ śmietnicach. Žychary horada prazvali jaje Hank the Tank (Tank Chenk, albo prosta tank, jaki adsiul usio ciahnie), tamu što jana była vielmi toŭstaj, važyła kala 200 kiłahramaŭ.
Pra hetu historyju 8 žniŭnia raskazała vydańnie The Times.
Tolki za apošnija paŭhoda palicyja atrymała 28 zvankoŭ ad napužanych miascovych žycharoŭ. Ahulnaja kolkaść incydentaŭ, źviazanych ź miadźviedzicaj, z 2021 hoda pieravyšaje 150.
«Miadźviedzica, jakaja ad śpiecyjalistaŭ atrymała imia 64F, nie bajałasia ludziej i pryvykła charčavacca ježaj, jakuju jana krała ŭ damach. Pakolki drapiežnica mieła dostup da ježy ceły hod, to jana navat nie ŭpadała ŭ śpiačku zimoj. Za hety čas jana paśpieła ŭvarvacca ŭ 21 žyły dom i paŭdzielničać ŭ bolš čym 150 incydentach u rehijonie. Akramia taho, 64F zaŭždy supravadžali dzieci — troje miedźviedzianiat, jakich maci vučyła ŭryvacca ŭ damy», — piša The Times.
Zaraz, paśla taho jak siamja złačyncaŭ była złoŭlenaja, maci-miadźviedzicu pieraviazuć u zapaviednik na paŭdniovym uschodzie Kałarada, a dziaciej addaduć Słužbie ratavańnia dzikaj pryrody ŭ akruzie Sanoma, što ŭ Kalifornii. Supracoŭniki arhanizacyi spadziajucca vypravić škodnickija pavodziny, jakija miedźviedzianiaty pieraniali ŭ svajoj maci, a zatym viarnuć žyvioł nazad u les.
Nahadajem, što dniami my pisali pra toje, jak treba siabie pavodzić pry sustrečy ź dzikimi žyviołami, asabliva ź miadźviedziami.
Čytajcie jašče:
Miadźviedź, jakoha raniej bačyli pad Minskam, uziaŭsia hramić pčalniki
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY5
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary