Niezaležny archiŭ VEHA, jaki ciaham užo šaści hadoŭ zajmajecca zboram vizualnaha materyjału pra paŭsiadzionnaść biełarusaŭ, adkryvaje zbor fatahrafij dla piataha prajekta. Budučaja kniha maje nazvu «Ruiny Biełarusi» — i VEHA zaprašaje dasyłać fotazdymki pa temie ŭ novuju kalekcyju, paviedamlaje Reform.by.
Archiŭ VEHA bačyć svajoj zadačaj zbor viernakularnaj (amatarskaj) fatahrafičnaj spadčyny, jakaja dazvolić bolš abjomna ŭbačyć historyju paŭsiadzionnaści biełarusaŭ, abychodziačy filtry aficyjnaha dyskursu. Daśledčyki nie tolki źbirajuć archiŭ na roznyja temy, ale analizujuć i asensoŭvajuć dasłany materyjał.
U darobku VEHA — užo čatyryi knihi-albomy: «Najlepšy bok», «Dziavočy viečar», «Apošni fotazdymak», «Ludzi lesu», jakija fiksujuć tradycyi, ich transfarmacyju ŭ žyćci biełarusaŭ na praciahu XX stahodździa.
«Ruiny Biełarusi» — novaja tema, jakaja musić raskryć nie tolki zaviadzionku suajčyńnikaŭ — jak ludzi bavili čas u vandroŭkach, jak usprymali navakolle i pomniki, — tema daje mahčymaść daśledavać i žyćcio zamkaŭ, pałacaŭ, majontkaŭ, navat łandšaftaŭ biełaruskaha kraju.
«Dumajem, što ŭ historykaŭ i archieołahaŭ jość niešta, što moža padyści da sieryi», — źviartajucca daśledčyki.
VEHA prosić dasyłać tematyčnyja fota, źniatyja na terytoryi sučasnaj Biełarusi da 1970 hoda. Heta mohuć być fotazdymki vas ci vašych blizkich, siabroŭ na fonie razburanych budynkaŭ.
Taksama niezaležny archiŭ abjaviŭ danabory na staryja sieryi:
- Ludzi lesu — čałaviek abdymaje / siadzić na drevie;
- Apošni fotazdymak — pachavalnyja fota;
- Dziavočy viečar — viasielnyja fota;
- Najlepšy bok — partret na fonie tkanaha dyvana.
Zbor adkryty da 15 kastryčnika 2023.
Forma dla adpraŭki fotazdymkaŭ — tut.
Čytajcie taksama:
Vychodziać u śviet «Ludzi Lesu» — čaćviortaja kniha fotaarchiva VEHA
«Sprava kožnaha». Čamu treba pašukać u siamiejnym fotaarchivie zdymki pra les i trapić ź imi ŭ knihu
Niezaležny archiŭ VEHA stvaraje fotaalbom «Ludzi lesu». Kožny moža ŭziać udzieł
-
Karcina Šahała «Prahułka» zastaniecca ŭ Biełarusi da kastryčnika: Turčyn damoviŭsia ź Mišuścinym ab praciahu vystavy
-
Na «Biełaruśfilmie» siarod biaskoncych filmaŭ pra vajnu narešcie zdymuć navahodniuju kamiedyju
-
Zamianiŭ 95% trupy, ale nie zavajavaŭ publiku. Što robić ź biełaruskim baletam eks-premjer rasijskaj Maryinki
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary