60-hadovaha bieraściejca asudzili za kamientar «skaty» pad videa z praŭładnaha mitynhu la pasolstva Ukrainy
U sudzie Maskoŭskaha rajona Bresta Siarhieja Mickieviča asudzili za kamientary pad videa z praŭładnaha mitynhu paśla pačatku poŭnamaštabnaj vajny. U mitynhu ŭziali ŭdzieł u tym liku Aleh Hajdukievič, Ryhor Azaronak i Juryj Vaskrasienski. Mužčynu abvinavacili pavodle art. 369 KK (abraza pradstaŭnika ŭłady) i pryznačyli dva hady «chatniaj chimii» i vialiki štraf, piša «Bieraściejskaja viasna». Taki prysud pryznačyŭ Jaŭhien Brehan pa prapanovie prakurora Charaŭca.
Pavodle viersii abvinavačańnia, 20 sakavika 2022 hoda Mickievič napisaŭ kamientar sa słovam «skaty» i zhadaŭ Hajdukieviča i Vaskrasienskaha.
Paviedamleńnie było napisana pad videa, dzie Aleh Hajdukievič, Juryj Vaskrasienski, Ryhor Azaronak i niekatoryja inšyja praŭładnyja aktyvisty 20 sakavika minułaha hoda vyjšli da ŭkrainskaj ambasady ŭ Minsku i pravodzili, jak jany heta nazvali, «mierapryjemstva suprać nacysckaj ułady va Ukrainie».
Da suda mužčynu ŭtrymlivali pad chatnim aryštam. U vyniku Siarhieju Mickieviču pryznačyli dva hady «chatniaj chimii» i štraf u pamiery 100 bazavych vieličyń (3700 rubloŭ).
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary